ہرارے ، 26 جولائی: ویبھو سوریہ ونشی (81) کی طوفانی نصف سنچری اننگ کے بعد گیند بازوں کی شاندار کارکردگی کی بدولت ہندستان نے اتوار کو تیسرے ٹی 20 مقابلے میں زمبابوے کو 35 رنوں سے شکست دے دی۔ اس کے ساتھ ہی ہندستان نے تین میچوں کی سیریز 3-0 سے اپنے نام کر لی۔ 193 رنوں کے ہدف کا تعاقب کرنے اتری زمبابوے کو مینک یادو نے پہلے ہی اوور کی پہلی گیند پر برائن بینیٹ کو آ¶ٹ کر کے ہندستان کو پہلی کامیابی دلائی۔ اس کے بعد چوتھے اوور میں یش ٹھاکر نے تیزی سے رن بنانے کی کوشش کر رہے ڈیون میئرس (19) کا شکار کر لیا۔ اسی اوور کی اگلی گیند پر ٹھاکر نے زمبابوے کے کپتان سکندر رضا کو بغیر کھاتہ کھولے ہی پویلین بھیج دیا۔ آٹھویں اوور میں روی بشنوئی نے بن کرن (20) کو آ¶ٹ کیا۔ اس کے بعد ویسلی مدھویرے اور رائین برل کی جوڑی نے شاندار بلے بازی کا مظاہرہ کرتے ہوئے پانچویں وکٹ کے لیے 60 رن جوڑ کر زمبابوے کی امیدوں کو زندہ رکھنے کی کوشش کی۔ 16ویں اوور میں مینک یادو نے ویسلی مدھویرے 25 گیندوں میں (28) کو آ¶ٹ کر کے ہندستان کو پانچویں کامیابی دلائی۔ 17ویں اوور کی پہلی گیند پر اشوک شرما نے تڈیواناشے مارومانی (ایک) کو بولڈ کر کے زمبابوے کو چھٹا جھٹکا دیا۔ 20ویں اوور کی پانچویں گیند پر مینک یادو نے بریڈ ایونس (14) رن کو آ¶ٹ کر کے اپنا تیسرا وکٹ لیا۔ زمبابوے کی ٹیم مقررہ 20 اووروں میں سات وکٹوں پر 157 رن ہی بنا سکی اور مقابلہ 35 رنوں سے ہار گئی۔ زمبابوے کے لیے رائین برل نے سب سے زیادہ (ناٹ آ¶ٹ 54) رن بنائے ۔ انہوں نے اپنی اننگز میں 43 گیندوں کا سامنا کیا اور چار چوکے لگائے ۔ ہندستان کی طرف سے مینک یادو نے تین وکٹ لیے اور یش ٹھاکر کو دو وکٹ ملے ۔ روی بشنوئی اور اشوک شرما نے ایک ایک بلے باز کو آ¶ٹ کیا۔ اس سے قبل آج یہاں ہندستانی ٹیم نے ٹاس جیت کر پہلے بلے بازی کرنے کا فیصلہ کیا۔ بلے بازی کے لیے اتری ہندستانی ٹیم کا آغاز ایک بار پھر اچھا نہیں رہا اور دوسرے ہی اوور میں بلیسنگ موزاربانی نے ابھشیک شرما (دو) کو آ¶ٹ کر کے پویلین بھیج دیا۔ اس کے بعد بلے بازی کے لیے آئے ایشان کِشن نے ویبھو سوریہ ونشی کے ساتھ دوسرے وکٹ کے لیے 75 رنز جوڑے ۔ 11ویں اوور میں سکندر رضا نے ایشان کِشن کا شکار کر کے ہندستان کو دوسرا جھٹکا دیا۔ ایشان کِشن نے 28 گیندوں میں چار چوکوں کی مدد سے (29) رنز بنائے ۔ ہندستان کا تیسرا وکٹ 15ویں اوور میں ویبھو سوریہ ونشی کی صورت میں گرا۔ ویسلے مدھویرے نے سنچری کی طرف بڑھ رہے ویبھو سوریہ ونشی کو آ¶ٹ کیا۔ ویبھو سوریہ ونشی نے 49 گیندوں میں آٹھ چوکوں اور چار چھکوں کی مدد سے (81) رنز کی اننگ کھیلی۔ 18ویں اوور کی پہلی گیند پر بریڈ ایونز نے کپتان شریاس ایئر کو آ¶ٹ کیا۔ شریاس ایئر نے 18 گیندوں میں دو چوکوں کی مدد سے (27) رنز بنائے ۔ ہندستان نے مقررہ 20 اوورز میں پانچ وکٹوں پر 192 رنز کا بڑا اسکور کھڑا کیا۔ تلک ورما نے (ناٹ آ¶ٹ 11) رنز بنائے ۔ رنکو سنگھ اننگ کی آخری گیند پر کیچ آ¶ٹ ہوئے ۔ رنکو سنگھ نے 14 گیندوں میں دو چوکوں اور ایک چھکا کی مدد سے (25) رنز کی اننگ کھیلی۔

Source: Admin