National
سونیا گاندھی کے " بابری مسجد کو گرتے دیکھ کر رو پڑنے" والے بیان پر سیاسی ہنگامہ، بی جے پی نے کیا تیکھا حملہ
" بابری مسجد کو گرتے دیکھ کر رو پڑی تھی ،" سونیا گاندھی کے اس بیان سے سیاسی ہنگامہ کھڑا ہوگیا ہے۔ ایک انٹرویو میں کانگریس لیڈر نے انکشاف کیا کہ انہوں نے ٹی وی پر بابری مسجد کو گرتے دیکھا تو وہ رو پڑی تھیں ۔ سونیا گاندھی کے اس بیان کو بی جے پی نے ے لپک لیا۔ بی جے پی کو لگ رہا ہے اترپردیش اسمبلی انتخابات سے پہلے کانگریس کی سابق صدر کا یہ بیان ان کے لئے ایک بڑا موقع ہے۔ان کے اس بیان کے بعد بی جے پی نے اسے کانگریس کی سیاسی سوچ اور اس کے پرانے مؤقف سے جوڑ دیا۔ بی جے پی لیڈر پردیپ بھنڈاری نے سونیا گاندھی اور کانگریس پر تیکھا حملہ کیا۔ پردیپ بھنڈاری نے ایک سوشل میڈیا پوسٹ میں سونیا گاندھی پر ووٹ بینک کی سیاست کا الزام لگایا۔ اس نے بٹلہ ہاؤس کا حوالہ دے کر اس پر حملہ بھی کیا۔ اس بیان نے بابری مسجد اور ایودھیا سے متعلق پرانے سیاسی تنازعہ کو ایک بار پھر توجہ میں لایا ہے۔
