حیدرآباد، 14 اکتوبر: شائی ہوپ کی ناٹ آ¶ٹ 102 رن کی دھواں دھار سنچری اور کیمو پال کی 19ویں اوور میں 3 وکٹوں سمیت مجموعی طور پر 41 رن دے کر 5 وکٹ حاصل کرنے کی بدولت ویسٹ انڈیز نے بدھ کو چوتھے ٹی 20 میچ میں ہندستان کو 24 رن سے شکست دے کر 5 میچوں کی سیریز میں 2-2 سے برابری حاصل کرلی۔
ویسٹ انڈیز نے 3 وکٹوں پر 247 رن کا مضبوط اسکور بنانے کے بعد ہندوستان کی اننگز کو 19.3 اوور میں 223 رن پر روک دیا۔ اب سیریز کا فیصلہ بنگلورو میں ہونے والے آخری میچ سے ہوگا۔ کیمو پال نے تباہ کن گیند بازی کرتے ہوئے پانچویں اوور میں 2 وکٹ اور 19ویں اوور میں 3 وکٹ حاصل کرکے ہندوستان کی آج ہی سیریز اپنے نام کرنے کی امیدوں پر پانی پھیر دیا۔
ہوپ کی سنچری کی بدولت ہندوستان کے سامنے 248 رن کا بڑا ہدف تھا۔ سیمسن نے طوفانی نصف سنچری بنا کر ہندوستان کو جارحانہ آغاز دلایا تھا، لیکن سیمسن کے 56 رن پر آ¶ٹ ہونے کے بعد ہندوستانی اننگز کو سنبھلنے میں وقت لگا اور مطلوبہ رن ریٹ بھی مسلسل بڑھتا گیا۔ ایشان کشن (6) اور شریئس ایّر (16) جلد آ¶ٹ ہو گئے ، جس کے بعد ابھیشیک (29) اور تلک ورما (43) کے درمیان شراکت داری قائم ہوئی، لیکن گداکیش موتی نے ایک ہی اوور میں ابھیشیک اور نمن دھیر کو آ¶ٹ کرکے ہندوستان پر دبا¶ بڑھا دیا۔ تاہم، اس کے بعد ریڈی اور تلک ورما کے درمیان شراکت داری قائم ہوئی، لیکن 17ویں اوور میں تلک کا وکٹ گرنے کے بعد کیمو پال نے 19ویں اوور میں 3 وکٹ لے کر ہندوستان کو مقابلے سے پوری طرح باہر کر دیا۔ میچ میں بنیادی فرق ویسٹ انڈیز کی سمجھ داری بھری گیند بازی رہی۔ ہندوستانی تیز گیند بازوں نے زیادہ تر گیندیں اپنی رفتار کے مطابق ڈالیں اور گیند کی پچنگ بھی زیادہ فل رکھی، جبکہ ویسٹ انڈیز کے گیند بازوں نے گیند کی پچنگ اور رفتار دونوں میں تبدیلی کی۔
اس سے پہلے ہوپ نے اس دورے میں اپنی چوتھی سنچری بنائی۔ ٹی 20 میں ہوپ کی یہ تیسری سنچری تھی اور ایسا کرتے ہوئے وہ ویسٹ انڈیز کی جانب سے اس طرز کے بین الاقوامی میچوں میں سب سے زیادہ سنچریاں بنانے والے بلے باز بن گئے ۔ انہوں نے ایون لوئس اور کرس گیل کو پیچھے چھوڑ دیا۔ ہوپ نے 50 گیندوں پر ناٹ آ¶ٹ 102 رن بنائے ، جن میں 4 چوکے اور 9 چھکے شامل تھے ۔ انہوں نے اننگز کی آخری 2 گیندوں پر چھکے لگا کر ریکارڈ توڑ سنچری مکمل کی۔
ہوپ شروع سے آخر تک کریز پر ڈٹے رہے ۔ انہوں نے پہلے اینڈریو اور پھر ہیٹ مائر کے ساتھ نصف سنچری کی شراکت داری کی۔ اس کے بعد پاول کے ساتھ 46 رن جوڑے اور آخر میں شرفین ردرفورڈ کے ساتھ 91 رن کی شراکت داری کی۔ ویسٹ انڈیز نے 12ویں اوور میں ہی 150 رن کا ہندسہ چھو لیا تھا، لیکن بعد میں ہندوستانی گیند بازوں نے ویسٹ انڈیز کی بلے بازی کی رفتار سست کر دی۔ تاہم، وہ زیادہ دیر تک ویسٹ انڈیز کے بلے بازوں کو قابو میں نہیں رکھ سکے ۔ آخری 5 اووروں میں ویسٹ انڈیز نے 70 رن بنائے ۔ ردرفورڈ نے 26 گیندوں پر ناٹ آ¶ٹ 49 رن بنائے ، جن میں 4 چوکے اور 3 چھکے شامل تھے ۔