آکلینڈ، 30 اکتوبر: گلین فلپس (107) کی شاندار سنچری اور مائیکل بریسویل (65) کی نصف سنچری کے بعد جیکب ڈفی کی چار وکٹ اور مچل سینٹنر کی دو وکٹ کی عمدہ گیندبازی کی بدولت نیوزی لینڈ نے جمعہ کو چوتھے ٹی20 مقابلے میں ہندوستان کو 87 رنز سے شکست دے دی۔
نیوزی لینڈ کے ٹی20 کرکٹ میں سب سے بڑے اسکور کا تعاقب کرتے ہوئے ہندوستانی ٹیم کی شروعات انتہائی خراب رہی۔ جیکب ڈفی نے پہلے ہی اوور میں سنجو سیمسن (4) اور ایشان کشن (0) کو آ¶ٹ کرکے ہندوستان کو دو ابتدائی جھٹکے دیے ۔ پانچویں اوور میں میتھیو فشر نے گزشتہ میچ کے ہیرو ابھیشیک شرما کو 15 گیندوں پر 27 رنز کے اسکور پر آ¶ٹ کیا۔ کپتان شریئس ایئر نے 11 گیندوں پر 22، نتیش کمار ریڈی نے 10 گیندوں پر 21 اور اکشر پٹیل نے سات رنز بنائے ۔ 12ویں اوور میں ڈفی نے نمن دھیر (13 گیندوں پر 28) اور ارشد دیپ سنگھ (0) کو آ¶ٹ کرکے ہندوستان کی جیت کی امیدوں کو تقریباً ختم کردیا۔ 19ویں اوور کی چوتھی گیند پر فشر نے تلک ورما (35) کو آ¶ٹ کرکے نیوزی لینڈ کو نویں کامیابی دلائی۔ تلک نے 35 گیندوں کی اپنی اننگز میں ایک چوکا اور تین چھکے لگائے ۔
ہندوستانی ٹیم مقررہ 20 اوور میں نو وکٹ پر 172 رنز ہی بنا سکی اور اسے 87 رنز سے شکست کا سامنا کرنا پڑا۔ پرنس یادو 17 گیندوں پر 18 رنز بناکر ناٹ آ¶ٹ رہے ، جبکہ میانک یادو تین رنز پر ناٹ آ¶ٹ رہے ۔ نیوزی لینڈ کی جانب سے جیکب ڈفی نے 23 رنز دے کر چار وکٹ لیے ۔ میتھیو فشر اور مچل سینٹنر نے دو دو وکٹ حاصل کیے ، جبکہ ایڈم ملنے نے ایک بلے باز کو آ¶ٹ کیا۔
اس سے قبل نیوزی لینڈ نے ہندوستان کو جیت کے لیے 260 رنز کا ہدف دیا۔ ہندوستان نے ٹاس جیت کر پہلے گیندبازی کرنے کا فیصلہ کیا۔ نیوزی لینڈ کو میانک یادو نے ابتدائی جھٹکے دیے ۔ انہوں نے پہلے اوور میں ٹم سیفرٹ (3) اور تیسرے اوور میں ڈیرل مچل (24) کو آ¶ٹ کیا۔ مچل نے نو گیندوں پر دو چوکے اور دو چھکے لگائے ۔ آٹھویں اوور میں اکشر پٹیل نے فن ایلن (31) کو آ¶ٹ کیا، جنہوں نے دو چوکے اور دو چھکے لگائے ۔ 11ویں اوور میں مینک نے بیون جیکبز (7) کو آ¶ٹ کرکے ہندوستان کو چوتھی کامیابی دلائی۔
اس کے بعد گلین فلپس اور مائیکل بریسویل کے درمیان 115 رنز کی طوفانی شراکت ہوئی، جس نے نیوزی لینڈ کا اسکور 200 رنز کے پار پہنچا دیا۔ 18ویں اوور میں پرنس یادو نے بریسویل کو آ¶ٹ کرکے اس شراکت کا خاتمہ کیا۔ بریسویل نے 25 گیندوں پر چار چوکے اور چھ چھکے لگاتے ہوئے 65 رنز بنائے ۔ فلپس نے 19ویں اوور کی دوسری گیند پر چھکا لگا کر 46 گیندوں میں اپنی سنچری مکمل کی۔ اسی اوور کی آخری گیند پر بڑا شاٹ کھیلنے کی کوشش میں مچل سینٹنر (5) نتیش کمار ریڈی کے ہاتھوں کیچ آ¶ٹ ہوئے ، یہ وکٹ ارشد دیپ سنگھ کے حصے میں آئی۔ 20ویں اوور میں نتیش کمار ریڈی نے فلپس کو ابھیشیک کے ہاتھوں کیچ آ¶ٹ کرا دیا۔ فلپس نے 49 گیندوں پر چھ چوکے اور 10 چھکوں کی مدد سے 107 رنز کی شاندار اننگز کھیلی۔
نیوزی لینڈ نے مقررہ 20 اوور میں سات وکٹ پر 259 رن کا بڑا اسکور بنایا، جو ٹی20 کرکٹ میں اس کا اب تک کا سب سے بڑا اسکور ہے ۔ ہندوستان کی جانب سے مینک یادو نے تین وکٹ لیے ، جبکہ پرنس یادو، ارشد دیپ سنگھ اور نتیش کمار ریڈی نے ایک ایک بلے باز کو آ¶ٹ کیا۔
آکلینڈ، 30 اکتوبر: گلین فلپس (107) کی شاندار سنچری اور مائیکل بریسویل (65) کی نصف سنچری کے بعد جیکب ڈفی کی چار وکٹ اور مچل سینٹنر کی دو وکٹ کی عمدہ گیندبازی کی بدولت نیوزی لینڈ نے ...
Source: Admin
