National

نئی ٹاسک فورس بنی، پرانی کی 101 سفارشات ابھی نامکمل: کانگریس

27/07/26

نئی دہلی، 26 جولائی:) کانگریس نے تعلیمی اصلاحات کے لیے اعلیٰ سطحی ٹاسک فورس کے قیام کو وزیراعظم نریندر مودی کی شبیہ بہترکرنے کی کوشش قرار دیتے ہوئے کہا ہے کہ مرکزی حکومت نے 2024 میں اس کام کے لیے ڈاکٹر کے ۔ رادھا کرشنن کمیٹی قائم کی تھی لیکن اس کی 101 سفارشات کو مکمل طور پر نافذ نہیں کیا گیا ہے ۔کانگریس کمیونیکیشن ڈپارٹمنٹ کے انچارج جے رام رمیش نے اتوار کو تعلیمی اصلاحات کے لیے اعلیٰ سطحی نئی ٹاسک فورس کے قیام پر ردِعمل ظاہر کرتے ہوئے کہا کہ جون 2024 میں نیٹ-یو جی سمیت کئی امتحانات میں دھاندلی کے بعد مودی حکومت نے امتحانات کا 'شفاف، ہموار اور منصفانہ انعقاد یقینی بنانے ' کے لیے اسرو کے سابق چیئرمین ڈاکٹر کے ۔ رادھا کرشنن کی صدارت میں اعلیٰ سطحی ماہرین کی کمیٹی تشکیل دی تھی۔ انہوں نے کہا کہ جولائی 2026 میں نیٹ-یو جی اور دیگر امتحانات میں پھر گڑبڑیوں کے بعد حکومت نے امتحانی اصلاحات پر توجہ مرکوز کرنے کے لیے ایک 'اعلیٰ سطحی ٹاسک فورس' بنا دی، جبکہ رادھا کرشنن کمیٹی کی 101 سفارشات پر عمل درآمد اب تک نہیں ہو سکا ہے ۔ کانگریس لیڈر نے الزام لگایا کہ 2024 سے 2026 کے درمیان تقریباً دو سال تک حکومت نے نیشنل ٹیسٹنگ ایجنسی (این ٹی اے ) کے لیے مستقل ڈائریکٹر جنرل تک مقرر نہیں کیا۔ انہوں نے الزام لگایا کہ حکومت کی یہ نئی پہل امتحانی نظام میں حقیقی اصلاح کی بجائے وزیراعظم کی "ناقابلِ تلافی طور پر داغدار" امیج کو سدھارنے کی محض ایک کوشش ہے ۔

Source: Admin