National

مودی نے نندن نیلکنی کی صدارت میں امتحانی اصلاحات کے لیے اعلیٰ سطحی کمیٹی بنانے کا اعلان کیا

27/07/26

نئی دہلی، 26 جولائی : وزیر اعظم نریندر مودی نے امتحانی اصلاحات کے لیے نندن نیلکنی کی صدارت میں ایک اعلیٰ سطحی کمیٹی بنانے کا اعلان کیا ہے مسٹر مودی نے آج شام ایک ویڈیو پیغام میں کہا کہ عالمی شہرت یافتہ ٹیکنالوجی ماہر نندن نیلکنی کی قیادت میں ایک ہائی پاور ٹاسک کمیٹی بنانے کا فیصلہ کیا گیا ہے ، جو امتحانی اصلاحات پر توجہ مرکوز کرے گی اور آنے والے امتحانات کے اعتبار کو یقینی بنانے سے متعلق رپورٹ دے گی، جس پر کام کیا جائے گا۔ وزیر اعظم نے کہا کہ "حکومت فاسٹ ٹریک کورٹ بنا چکی ہے اور ہم کل پارلیمنٹ میں سخت التزامات کے ساتھ ایک نیا قانون بنانے کی سمت میں بھی آگے بڑھ رہے ہیں۔ لیکن ہمیں مستقبل کے لیے سوچنا ہے ۔ ہمارا امتحانی نظام قابل اعتماد ہو، شفاف ہو اور اس میں زیادہ سے زیادہ ٹیکنالوجی کا استعمال ہو۔" مسٹر مودی نے ایک ویڈیو پیغام میں کہا کہ طلبہ کے مستقبل کے لیے حکومت ہند مسلسل اقدامات کر رہی ہے ۔ جن لوگوں نے طلبہ کے مستقبل کے ساتھ کھلواڑ کیا، وہ جیلوں میں سڑ رہے ہیں۔

Source: Admin