National

گریٹر نوئیڈا میں پانی سے بھرے گہرے گڑھے میں ڈوب کر چھ سالہ بچے کی موت

26/07/26

گریٹر نوئیڈا، 25 جولائی : اتر پردیش کے گریٹر نوئیڈا میں نالج پارک تھانہ علاقے کی کلادھام سوسائٹی کے قریب ہفتہ کی شام پانی سے بھرے گہرے گڑھے میں ڈوبنے سے چھ سالہ بچے کی موت ہو گئی۔ اس واقعہ کے بعد علاقے میں غم کی لہر دوڑ گئی ہے اور مقامی لوگوں نے گریٹر نوئیڈا اتھارٹی کی مبینہ لاپرواہی پر سوال اٹھائے ہیں۔ پولیس کے مطابق اویان سوریہ (6)، سِیوان یادو کا بیٹا، کلادھام کالونی میں دیگر بچوں کے ساتھ کھیل رہا تھا کہ اسی دوران قریب واقع بارش کے پانی سے بھرے گہرے گڑھے میں گر گیا۔ اہل خانہ اسے فوری طور پر اسپتال لے گئے ، جہاں ڈاکٹروں نے معائنہ کے بعد اسے مردہ قرار دے دیا۔ اطلاع ملنے پر نالج پارک تھانہ پولیس موقع پر پہنچی، لاش کو پوسٹ مارٹم کے لیے بھیج دیا اور اہل خانہ کی شکایت کی بنیاد پر مقدمہ درج کرکے مزید قانونی کارروائی شروع کر دی ہے ۔ مقامی باشندوں کا الزام ہے کہ سوسائٹی کے اطراف کافی عرصے سے کئی گہرے گڑھے کھلے پڑے ہیں، جن میں بارش کا پانی بھر جاتا ہے ، جبکہ حفاظتی انتظامات نہ ہونے کے باعث یہ حادثہ پیش آیا۔ انہوں نے ذمہ دار افسران اور متعلقہ ایجنسی کے خلاف کارروائی اور ایسے گڑھوں کو فوری طور پر بھرنے کا مطالبہ کیا ہے ۔

Source: Admin