شمالی ہوڑہ سے ترنمول کانگریس کے امیدوار گوتم چودھری کو استقبالیہ

کولکاتا30مارچ : شمالی ہوڑہ سے ترنمول کانگریس کے امیدوار گوتم چودھری انتخابی مہم میں مصروف ہیں۔ انہوں نے فرصت نکال کر ہوڑہ کے گھسڑی میں واقع ستی پیر مزار پر حاضری دی جہاں ان کا شاندار استقبال کیا گیا۔ یہاں حافظ احسان رضا رضوی صاحب امام سید میر مسجد کی غیر موجودگی میں جناب حافظ ظریف سابق امام فردوس مسجد نے پھولوں کا مالا پہنا کران کا استقبال کیا ۔جناب انور علی قادری خادم سید میر مزار نے پھولوں کا مالا ،ڈاکٹر سی پی ورما نے پگڑی اور سنکلپ ٹو ڈے کے سیکریٹری جناب امتیاز بھارتی نے گوتم چودھری کو مزدوروں کے حقوق کیلئے ایک میمورنڈم پیش کیا اور امیدوار سے کامیاب ہونے کے بعد اس پر عمل کرنے کی اپیل کی۔ گوتم چودھری نے اس کے جواب میں کہا کہ ہم ہمیشہ مزدوروں کا ساتھ رہاہوں اور کامیابی کے بعد ضرور پرا س پر کام کروں گا۔ جناب بدرالدجی انصاری نے کہا کہ بنگال کے لوگ ممتا بنرجی کے ساتھ ہیں۔ اس پروگرام میں جناب ڈاکٹر سلیم اختر ، جناب محمد مصطفی انصاری ، جناب جاوید اختر ، جناب بیرو خان جناب، اجمل حسین، کارتک ساو اور دیگر معزز حضرات شامل تھے۔

Source: Mashriq News service