نیتاجی سبھاش چندر بوس کی 129ویں یومِ پیدائش ,طبی جانچ کیمپ، 100 سے زائد افراد نے خون دیا

کولکاتا. نیتاجی سبھاش چندر بوس کی 129ویں یومِ پیدائش کے موقع پر جمعہ کو یوتھ خالصہ کلب، بھوانی پور کی جانب سے چکر بیڑیا–پدما پُکُر روڈ کراسنگ علاقے میں مفت طبی جانچ، آنکھوں کے معائنے اور خون عطیہ کیمپ کا کامیاب انعقاد کیا گیا۔ اس کیمپ میں 100 سے زائد افراد نے رضاکارانہ طور پر خون عطیہ کیا، جبکہ بڑی تعداد میں مقامی لوگوں نے طبی اور آنکھوں کی جانچ کی سہولیات سے فائدہ اٹھایا۔ یہ پروگرام رکنِ پارلیمنٹ اور ترنمول کانگریس کے قومی جنرل سیکریٹری ابھیشیک بینرجی کی ہدایات پر یوتھ خالصہ کلب (بھوانی پور) کے صدر اور سماجی کارکن گرمت سنگھ (جونی) کی قیادت میں منعقد کیا گیا۔ اس موقع پر ریاست کے سابق وزیر اور موجودہ ترنمول کانگریس کے ایم ایل اے نرمل ماجھی سمیت کئی معزز شخصیات موجود تھیں۔ اس موقع پر گرمت سنگھ (جونی) نے کہا کہ نیتاجی سبھاش چندر بوس کے نظریات سے تحریک لے کر یوتھ خالصہ کلب آئندہ بھی سماجی خدمات انجام دیتا رہے گا اور معاشرے کے ہر طبقے تک صحت کی سہولیات پہنچانا ان کی اولین ترجیح ہے۔ ایم ایل اے نرمل ماجھی نے پروگرام کی ستائش کرتے ہوئے کہا کہ چاہے سماجی خدمت ہو یا ترقیاتی اقدامات، سکھ برادری کا کردار ہمیشہ قابلِ تعریف اور اہم رہا ہے۔ مقامی لوگوں نے بھی اس پروگرام کی بھرپور تعریف کی۔

Source: Social Media