Sports

انگلینڈ نے پاکستان کو پہلے ٹیسٹ میں اننگز اور 103 رنز سے شکست دے دی

21/08/26

لیڈز: انگلینڈ نے پاکستان کو پہلے ٹیسٹ میچ میں اننگز اور 103 رنز سے شکست دے دی ہے۔

لیڈز ٹیسٹ میچ کے تیسرے روز انگلینڈ کی ٹیم 409 رنز بنا کر آؤٹ ہوئی۔ پاکستان کی ٹیم دوسری اننگز میں 135 رنز پر ڈھیر ہوگئی، انگلینڈ نے تین میچوں کی سیریز میں 0-1 کی برتری حاصل کرلی ہے۔

اوپنر امام الحق صفر، سلمان علی آغا 4 اور اذان اویس 9 رنز بنا کر پویلین لوٹ گئے۔

وکٹ کیپر محمد رضوان 41، شان مسعود 29، عبداللہ شفیق 15 رنز بناسکے، سعود شکیل 14، خرم شہزاد 8، علی عثمان 7 رنز بنا کر آؤٹ ہوئے۔

انگلینڈ کی جانب سے اولی رابنسن، جوش ٹنگ اور جوفرا آرچر نے تین، تین وکٹیں حاصل کیں۔

واضح رہے کہ میزبان انگلینڈ نے پہلی اننگز میں 409 رنز بنائے اور پاکستان کے خلاف 238 رنز کی برتری حاصل کی تھی، ہیری بروک نے 91 رنز بنائے، جارڈکن کاکس، جو روٹ اور ڈین لارنس نے بھی نصف سنچریاں اسکور کیں۔

پاکستان کی جانب سے اسپنر علی عثمان نے پانچ اور خرم شہزاد نے تین کھلاڑیوں کو آؤٹ کیا۔

یاد رہے کہ پاکستان اور انگلینڈ کے درمیان دوسرا ٹیسٹ لارڈز کے میدان پر 27 اگست کو کھیلا جائے گا۔

Source: Admin