چنئی، 11 جون :تمل ناڈو کے وِرُدھُن نگر ضلع کے وڈا گڑائی گاوں میں بدھ کے روز ایک نجی پٹاخہ فیکٹری میں دھماکہ ہونے سے تین مزدور ہلاک اور تین دیگر زخمی ہو گئے ۔رپورٹوں کے مطابق، ہلاک ہونے والوں میں ایک خاتون بھی شامل ہے ۔ دھماکہ صبح تقریباً نو بجے اس وقت ہوا جب ملازمین فیکٹری میں کچھ کیمیکل اٹھا رہے تھے ۔دو مزدور موقع پر ہی ہلاک ہو گئے جن کے نام گونڈمّل (54) اور کروپّیا (37) بتائے گئے ہیں۔ ایک مزدور نے اسپتال میں دم توڑ دیا۔ دھماکے میں چار دیگر مزدور گنیشن (55)، مرگن (40)، مریئمّل (40) اور پیچئمّل (38) جھلس گئے ، جنہیں وِرُدھُن نگر گورنمنٹ میڈیکل کالج اسپتال میں داخل کرایا گیا، جہاں گنیشن نے آج شام دم توڑ دیا۔اسی دوران واقعے پر افسوس کا اظہار کرتے ہوئے وزیر اعلیٰ ایم کے اسٹالن نے اسپتال کے حکام کو زخمیوں کا بہتر علاج فراہم کرنے کی ہدایت دی ہے اور ہر متوفی کے اہل خانہ کو چار لاکھ روپے کی امداد دینے کا اعلان کیا ہے ۔ایک سرکاری اعلامیہ میں کہا گیا کہ انہوں نے وزیر اعلیٰ جن راحت فنڈ سے شدید طور پر جھلسنے والے مزدوروں کو ایک-ایک لاکھ روپے اور معمولی زخمی مزدور کو 50 ہزار روپے کی امداد دینے کا اعلان کیا ہے ۔

Source: uni news