Sports

لیڈز ٹیسٹ کا دوسرا دن ختم، انگلینڈ کی پوزیشن مضبوط، پاکستان پر 195 رنز کی برتری

21/08/26

لیڈز ٹیسٹ کے دوسرے دن انگلینڈ کی میچ پر گرفت مظبوط ہوگئی۔ انگلینڈ نے 8 وکٹ پر 366 رنز بناکر پاکستان کے خلاف 195 رنز کی برتری حاصل کرلی۔ ہیری بروک 91 رنز بنا کر نمایاں رہے جبکہ پاکستانی اسپنر علی عثمان نے پانچ کھلاڑیوں کو آؤٹ کیا۔

ٹیسٹ کے دوسرے دن گیلی آؤٹ فیلڈ کی وجہ سے میچ تاخیر سے شروع ہوا۔جارڈن کاکس 73 رنز بنا کر علی عثمان کا شکار بنے جبکہ جو روٹ نے 66 رنز بنائے۔

ہیری بروک کا ایک رن پر سلمان علی آغا نے کیچ گرا دیا، بعدازاں انہوں نے 91 رنز کی اننگز کھیل کر انگلینڈ کو مضبوط پوزیشن میں لاکھڑا کیا۔

ان کے علاوہ ڈین لارنس نے 51 رنز بنائے جبکہ انگلینڈ نے دن کے اختتام تک 8 وکٹ پر 366 رنز بنا کر پاکستان کے خلاف 195 رنز کی برتری حاصل کرلی۔

پاکستان کی جانب سے علی عثمان نے پانچ کھلاڑیوں کو آؤٹ کیا۔ وہ انگلینڈ میں 5 وکٹیں لینے والے پہلے بائیں ہاتھ کے اسپنر بنے۔ ان کے علاوہ محمد عباس، خرم شہزاد اور محمد علی نے ایک ایک وکٹ لی۔

Source: Admin