بالی وڈ اداکارہ انوشکا شرما نے انکشاف کیا ہے کہ گھر میں کبھی وہ اور کبھی شوہر ویرات کھانا بناتے ہیں۔ میڈیا رپورٹس کے مطابق انوشکا شرما تقریباً 2 سال بعد بھارت واپس آئی ہیں، اس موقع پر ممبئی میں ایک ایونٹ کے دوران انوشکا نے شوہر ویرات کوہلی اور بچوں کی روٹین کے حوالے سے گفتگو کی۔ تقریب میں گفتگو کرتے ہوئے انوشکا نے بتایا کہ ’میں نے اور ویرات نے گھر میں ڈسکس کیا کہ اگر ہم اپنی والدہ کے بنائے ہوئے کھانوں کو گھر میں نہیں بنائیں گے تو یہ ریسیپیز ہمارے بچوں تک نہیں پہنچ سکتیں لہٰذا کبھی میں اور کبھی ویرات کھانا پکاتے ہیں، میں کبھی کبھی والدہ کو ریسیپیز جاننے کیلئے کال بھی کرلیتی ہوں‘۔ اداکارہ نے کہا کہ ’میرے نزدیک یہ بہت اہم ہے کیوں کہ مجھے لگتا ہے اس طرح ہم اپنے بچوں کو کوئی قیمتی شے منتقل کررہے ہیں ‘۔ انوشکا نے بتایا کہ ’میرے لیے بچوں کی روٹین بہت خاص ہے، ہم عام لوگوں سے زیادہ سفر کرتے ہیں اس دوران ہمارے بچے بھی بہت سی تبدیلیوں کا تجربہ کرتے ہیں لہٰذا ان کے لیے ایک روٹین بنا کر میں انہیں کنٹرول کا احساس دلا تی ہوں‘۔ اداکارہ نے مزید کہا کہ ’ہم کہیں بھی جائیں بچوں اور ہمارے لیے کھانے کے اور سونے کے اوقات مقرر ہیں، یہ روٹین ہمیں خود کو منظم کرنے میں مدد دیتی ہے‘۔ یاد رہے کہ انوشکا شرما اور ویرات کوہلی نے 2018 میں شادی کی تھی، 2021 میں جوڑے کے ہاں بیٹی وامیکا اور رواں برس بیٹے آکائے کی پیدائش ہوئی ہے۔
Source: social media
رہا کپور کی معصومیت نے پھر دل موہ لیے، نانی نیتو سے ملاقات کا دلکش منظر وائرل
استری 2 کی کامیابی کے بعد اب تیسری فلم بھی بننے جارہی ہے، شردھا نے عندیہ دے دیا
ہپ ہاپ کے مشہور گلوکار بادشاہ نے نئی تاریخ رقم کر دی
ڈیبیو فلم میں مجھے دوران شوٹنگ نکال کر کسی اور اداکارہ کو لیا گیا: راکُل پریت کا انکشاف
رنبیر، بوبی، رشمیکا اور انیل کپور کو فلم اینیمل میں کتنا معاوضہ ملا؟
عرفان پٹھان کو 5 سال ڈیٹ کیا، گمبھیر بھی مسڈ کالز دیتے تھے: اداکارہ کا انکشاف