International

امریکا میں فوڈ فیسٹیول میں اندھادھند فائرنگ سے ہلاکتیں

28/07/26

امریکا میں فوڈ فیسٹیول میں فائرنگ سے تین افراد ہلاک اور چار زخمی ہو گئے۔ پولیس نے بتایا کہ سیئٹل شہر میں جاری فوڈ فیسٹیول میں اتوار کو فائرنگ سے تین افراد ہلاک اور ایک چھوٹے بچے سمیت چار زخمی ہو گئے جب کہ ایک مشتبہ شخص کو حراست میں لے لیا گیا ہے۔ سیئٹل پولیس ڈیپارٹمنٹ کے اسسٹنٹ چیف ٹائرون ڈیوس نے میڈیا بریفنگ میں کہا کہ ایک دوسرے مشتبہ شخص کو بھی ملوث سمجھا جارہا ہے اور افسران اس شخص کی تلاش کر رہے ہیں۔ ڈیوس نے کہا کہ پولیس کا خیال ہے کہ دو افراد ایک دوسرے پر گولی چلا رہے تھے۔ یہ واقعہ سیئٹل سینٹر کے بائٹ آف سیٹل فوڈ فیسٹیول میں پیش آیا۔ سیئٹل کی میئر کیٹی ولسن نے دیگر عہدیداروں کے ساتھ مشترکہ میڈیا بریفنگ کے دوران کہا کہ "آج یہاں سیئٹل سینٹر میں جو کچھ ہوا وہ ایک ناقابل یقین سانحہ تھا اور تشدد کا ایک ہولناک عمل تھا۔” انہوں نے مزید کہا کہ ہمارے پاس اس شہر اور اس ملک میں فائرنگ کے واقعات رپورٹ ہو رہے ہیں اور صرف چند دنوں میں فائرنگ کے تین بڑے واقعات ہوئے ہیں۔

Source: Admin