Sports

ویسٹ انڈیز نے پاکستان کو پہلی اننگز میں 282 رنز پر آل آؤٹ کردیا

28/07/26

ویسٹ انڈیز کے خلاف پہلے ٹیسٹ میچ تیسرے روز پہلی اننگز میں پاکستان ٹیم 282 رنز بنا کر آل آؤٹ ہوگئی۔ ٹروبا میں کھیلے جارہے میچ میں پاکستان ٹیم پہلی اننگز میں 282 رنز بنا کر آل آؤٹ ہوگئی، میزبان ویسٹ انڈیز نے 29 رنز کی برتری حاصل کرلی ہے۔ شان مسعود نے شاندار 109 رنز کی اننگز کھیلی، امام الحق 63 رنز کے ساتھ نمایاں رہے، کپتان بابر اعظم 23 رنز بنا کر آؤٹ ہوئے۔ سلمان علی آغا 20 رنز بناسکے، محمد رضوان 12 رنز بنا کر پویلین لوٹ گئے، عامر جمال 3 رنز بناسکے۔ ویسٹ انڈیز کی جانب سے جسٹن گریوز نے پانچ کھلاڑیوں کو آؤٹ کیا، کیمار روج اور شیمار جوزف نے دو، دو وکٹیں حاصل کیں۔ واضح رہے کہ ویسٹ انڈیز نے پہلی اننگز میں 311 رنز بنائے تھے۔ شائے ہوپ 92 اور کیوم ہوج 84 رنز بنا کر نمایاں رہے جب کہ شیمار جوزف نے 23، چندرپال اور جینگو نے 21،21 رنز بنائے۔ جسٹن گریوز15، برینڈن کنگ12 اور روسٹن چیز 10 رنز بنا سکے۔ پاکستان کی جانب سے فاسٹ بولر محمد علی سب سے کامیاب بولر رہے، جنہوں نے 50 رنز دے کر 4 وکٹیں حاصل کیں جب کہ محمدعباس نے 3، خرم شہزاد نے 2 اور عامر جمال کی ایک کھلاڑی کو آؤٹ کیا۔

Source: Admin