International

برطانیہ نے قطر، قبرص میں ٹائفون، ایف 35 طیارے تعینات کردیے

874

16/03/26

برطانوی وزیر دفاع نے کہا ہے کہ قطر اور قبرص میں ٹائفون اور ایف 35 طیارے تعینات کر دیے ہیں۔ میڈیا رپورٹ میں برطانوی وزیر دفاع نے کہا کہ طیاروں نےبرطانوی مفادات کےدفاع میں گزشتہ رات پروازیں کی ہیں۔ انہوں نے مزید کہا کہ پروازیں قطر، قبرص، متحدہ عرب امارات، اردن، بحرین میں اتحادیوں کے دفاع کے لیے بھی کی گئیں۔ دوسری طرف برطانوی وزیر توانائی ایڈملی بینڈ نے کہا کہ آبنائے ہُرمُز کو کھلوانے کے لیے اتحادیوں سے ساتھ مل کر کام کر رہے ہیں، اس کا دوبارہ کھولنا ہم سب کے مفاد میں ہے۔ اُن کا کہنا تھا کہ تنازع کا خاتمہ ہی آبنائے ہُرمُز کو کھولنے کا سب سے بہتر اور یقینی طریقہ ہے، اس معاملے پر اپنے شراکت داروں کے ساتھ مل کر کام کر رہے ہیں۔ برطانونی وزیر توانائی نے یہ بھی کہا کہ اس جنگ کا ہفتوں اور مہینوں تک جاری رہنا کسی کے بھی مفاد میں نہیں ہے۔

Source: social media