Sports

ڈورنڈ کپ میں محمڈن اسپورٹنگ کا دھماکے دار آغاز، بنارس باغپت کو چار گول سے روند دیا

27/07/26

کلکتہ، 27 جولائی:محمڈن اسپورٹنگ کلب نے ڈورنڈ کپ 2026ءکے گروپ ’بی‘ میں اپنے سفر کا آغاز انتہائی شاندار اور شاندار انداز میں کیا ہے۔ ویکانند یوبا بھارتی (سالٹ لیک اسٹیڈیم) میں کھیلے گئے ایک یکطرفہ مقابلے میں محمڈن اسپورٹنگ نے ایف سی بنارس باغپت کو 4-0 کے بڑے مارجن سے شکست دے کر ٹورنامنٹ میں اپنے تمام 3 پوائنٹس حاصل کر لیے۔ محمڈن اسپورٹنگ نے میچ کے آغاز سے ہی میدان پر مکمل کنٹرول حاصل رکھا اور حریف ٹیم پر مسلسل حملے کیے۔ میچ کے 29ویں منٹ میں لالتھانکیما نے ایک شاندار موو بناتے ہوئے بال محمد فردین علی کو پاس کی، جنہوں نے بغیر کوئی غلطی کیے گیند کو جال کی راہ دکھائی اور اپنی ٹیم کو 1-0 کی برتری دلا دی۔ پہلے ہاف کے اختتام تک محمڈن اسپورٹنگ کی یہ 1-0 کی برتری برقرار رہی۔ دوسرے ہاف میں محمڈن اسپورٹنگ نے اپنے کھیل کی شدت کو مزید بڑھایا اور ایف سی بنارس باغپت کی دفاعی لائن کو مکمل طور پر بکھیر کر رکھ دیا۔73واں منٹ پر متبادل کھلاڑی کے طور پر میدان میں آنے والے لالریم سانگا نے آتے ہی جادو دکھایا اور خوبصورت گول داغ کر ٹیم کی برتری 2-0 کر دی۔جبکہ 80واں منٹ پر اسرافیل نے حریف ٹیم کی غلطی کا فائدہ اٹھاتے ہوئے گیند کو نیٹ میں پہنچایا اور اسکور 3-0 کر دیا۔اس کے چار منٹ بعد 84واں منٹ پر لالریم سانگا نے ایک بار پھر اپنی صلاحیتوں کا لوہا منواتے ہوئے گول کیپر کو چکمہ دیا اور میچ کا اپنا دوسرا اور ٹیم کا چوتھا گول داغ دیا۔ اس فتح کے ساتھ ہی محمڈن اسپورٹنگ نے ڈورنڈ کپ میں مضبوط دفاع، حملے کی بہترین صلاحیت اور ’کلین شیٹ‘کے ساتھ یادگار شروعات کی ہے۔ ٹیم اب اسی تسلسل اور فارم کو برقرار رکھتے ہوئے گروپ بی میں اپنے اگلے میچز کھیلنے کی تیاری کرے گی۔

Source: Admin