پٹنہ، 11 جون : راشٹریہ جنتا دل (آر جے ڈی) کے قومی صدر اور بہار کے سابق وزیر اعلی لالو پرساد یادو نے آج اپنا یوم پیدائش 78 پاﺅنڈ کا کیک کاٹ کر منایا۔مسٹر یادوکی 78 ویں سالگرہ مسز رابڑی دیوی کی رہائش گاہ 10 سرکلر روڈ پر منائی گئی۔ اس موقع پر مسٹر یادو نے خاندان، لیڈروں اور کارکنوں کے ساتھ کیک کاٹا۔ انہوں نے تمام لوگوں کو اپنے ہاتھوں سے کیک کھلایا اور مبارکباد یاںقبول کیں۔ اس موقع پر مسٹر یادو نے کہا کہ ہم سب کو غریبوں، مظلوموں، محروموں کے درمیان جاکر کام کرنا چاہئے اور انہیں گلے لگا کر عزت کا احساس دلانا چاہئے ۔ انہوں نے کہا کہ ملک میں گنگا جمنی تہذیب اور بھائی چارے کے ماحول کو مضبوط کرنے کے لیے تمام لوگوں کو مل کر کام کرنا چاہیے ، ہمیں سماجی انصاف اور سیکولرازم کے دھارے کو مضبوط کرنے کے لیے ہر سطح پر چوکنا رہنا ہوگا۔ اپوزیشن لیڈر تیجسوی پرساد یادو نے کہا کہ پارٹی لیڈران اور کارکنان کے ذریعہ ریاست بھر میں غریبوں اور دلت ٹولوں اور محلوں میں ایک ساتھ کھانا کھانے ، تدریسی مواد تقسیم کرنے کے ساتھ درخت لگا کرسماجی انصاف کے دھارے کو مضبوط کرنے کے ان کے عزم کو ظاہر کرتا ہے ۔ اس موقع پر سابق وزیر اعلیٰ مسز رابڑی دیوی، قومی نائب صدر ادے نارائن چودھری، قومی پرنسپل جنرل سکریٹری عبدالباری صدیقی، قومی چیف ترجمان پروفیسر منوج کمار جھا، سابق ڈپٹی چیئرمین ڈاکٹر رام چندر پوروے ، سابق وزیر منگنی لال منڈل، قومی جنرل سکریٹری بھولا یادو، بینو یادو، ابھے سنگھ، قومی خزانچی ڈاکٹر سنیل کمار سنگھ ، ریاستی نائب صدر اشوک کمار سنگھ، ڈاکٹر ونود کمارید ویندو، ریاستی خزانچی محمد کامران، رکن قانون ساز کونسل قاری محمد صہیب، ایم ایل اے ونے کمار یادو، ششی بھوشن سنگھ، ریاستی چیف ترجمان شکتی سنگھ یادو، ریاستی ترجمان اعجاز احمد، ساریکا پاسوان، ارون کمار یادو، پرمود کمار سنہا، سابق ایم ایل اے مسز سویٹی سیما ہیمبرم سمیت دیگر نامور لیڈران موجود تھے ۔

Source: uni news