Sports

زمبابوے سے شکست: مہدی حسن کی چھٹی، لٹن داس نے بنگلہ دیش ون ڈے ٹیم کے کپتان مقرر

30/07/26

ڈھاکا : زمبابوے سے ون ڈے سیریز میں شکست کے بعد وکٹ کیپر لٹن داس کو بنگلہ دیش ون ڈے ٹیم کا نیا کپتان مقرر کیا ہے۔ بنگلہ دیشی میڈیا کے مطابق بی سی بی نے 31 سالہ وکٹ کیپر بیٹر لٹن داس پر اعتماد کا اظہار کرتے ہوئے انہیں ٹی 20 کے بعد ون ڈے فارمیٹ کی قیادت بھی سونپ دی ہے جب کہ نجم الحسن شنتو ٹیسٹ ٹیم کے کپتان برقرار رکھے گئے ہیں۔ رپورٹ کے مطابق یہ فیصلہ شیرِ بنگلہ نیشنل اسٹیڈیم میں بورڈ آف ڈائریکٹرز کے اجلاس میں کیا گیا۔ بنگلہ دیشی کرکٹ بورڈ کے صدر تمیم اقبال نے بتایا کہ توحید ہردوئے کو وائٹ بال ٹیم کا نائب کپتان مقرر کیا گیا ہے جب کہ مہدی حسن میراز ٹیسٹ ٹیم میں بدستور نجم الحسن شنتو کے نائب رہیں گے۔ یہ فیصلہ زمبابوے کے خلاف ون ڈے سیریز میں شکست کے بعد سامنے آیا ہے۔ تمیم اقبال کا مزید کہنا تھا کہ بورڈ کا ماننا ہے ریڈ بال اور وائٹ بال کی کرکٹ کے لیے الگ الگ کپتان ہونا زیادہ موثر حکمت عملی ہے۔ واضح رہے کہ مہدی حسن میراز کی قیادت میں بنگلہ دیش نے 20 میں سے 10 ون ڈے میچز جیتے جبکہ ان کی قیادت میں ٹیم نے ویسٹ انڈیز، پاکستان، نیوزی لینڈ اور آسٹریلیا کے خلاف ہوم سیریز میں کامیابیاں بھی حاصل کیں۔ لٹن داس اس سے قبل بھی سات ون ڈے میچز میں بنگلہ دیش کی قیادت کر چکے ہیں جن میں 2022 میں بھارت کے خلاف 2-1 سے تاریخی سیریز فتح بھی شامل ہے۔

Source: Admin