فرانس کی اعلیٰ ترین عدالتی اتھارٹی نے نے مراکشی فٹ بال کھلاڑی اشرف حکیمی کو ریپ کے الزام میں ٹرائل کے لیے بھیجنے کی توثیق کر دی ۔ یہ بات اے ایف پی نے ایک عدالتی ذریعہ کے حوالے سے بتائی۔ جون کے وسط میں ورلڈ کپ کے مقابلے جاری رہنے کے دوران ورسائی کی اپیل کورٹ نے مراکشی انٹرنیشنل اور پیرس سینٹ جرمین کے ڈیفنڈر کو 2023 میں ایک نوجوان خاتون کے ساتھ ریپ کے الزام میں ٹرائل کے لیے بھیجنے کی توثیق کی تھی جس کی وہ قانونی کارروائی کے آغاز سے ہی تردید کرتے آ رہے ہیں۔ مراکشی فٹ بالر اشرف حکیمی نے اس فیصلے کے فوراً بعد دیوان مظالم میں اپیل دائر کی تھی۔

یاد رہے پیرس کے جنوب مشرق میں واقع فال دو مارن کے علاقے میں فروری 2023 میں 24 سالہ ایک خاتون نے پولیس کو اطلاع دی تھی کہ اشرف حکیمی نے اس کے ساتھ ریپ کیا ہے۔ اس وقت پولیس کے ایک ذریعہ نے بتایا تھا کہ مدعیہ نے کہا کہ اس کی ملاقات جنوری 2023 میں انسٹاگرام کے ذریعے حکیمی سے ہوئی تھی اور وہ کھلاڑی کی طلب کردہ ٹیکسی کے ذریعے اس کے گھر گئی تھی۔ اس نے دعویٰ کیا کہ حکیمی نے اس کا بوسہ لیا اور اس کی مرضی کے بغیر اسے چھوا، پھر اس کے ساتھ ریپ کیا۔