نئی دہلی، 12 جون (: ایئر انڈیا کے چیئرمین این چندر شیکرن نے سوگوار خاندانوں کے تئیں گہری تعزیت کا اظہار کرتے ہوئے اس بات کی تصدیق کی ہے کہ احمد آباد سے لندن جانے والی ایئر انڈیا کی پرواز نمبر اے-171 ٹیک آف کے فوراً بعد گر کر تباہ ہو گئی مسٹر چندر شیکرن نے ایک بیان میں کہاکہ "میں انتہائی دکھ کے ساتھ تصدیق کرتا ہوں کہ ایئر انڈیا کی پرواز نمبر اے-171 احمد آباد سے گیٹوک، لندن کے لیے اڑ رہی تھی، آج ایک المناک حادثے کا شکار ہوگئی۔ ہماری تعزیت اس ناخوشگوار واقعہ سے متاثرہ تمام افراد کے خاندانوں کے ساتھ ہے۔ اس وقت ہماری توجہ متاثرہ لوگوں اور ان کے خاندانوں کو تسلی دینے پر مرکوز ہے۔" انہوں نے کہاکہ "ہم جائے حادثہ پر ایمرجنسی سروس ٹیموں کی مدد اور متاثرہ افراد کو تمام ضروری مدد فراہم کرنے کے لیے پوری قوت کے ساتھ کام کر رہے ہیں۔ جیسے ہی ہمیں اس بارے میں مزید معلومات ملے گی، ہم اسے فوری طور پر اپ ڈیٹ کر کے شیئر کریں گے۔" ایئر انڈیا کے چیئرمین نے کہا کہ طیارہ حادثے کے بارے میں لوگوں کو ضروری معلومات فراہم کرنے کے لیے ایک ہنگامی مرکز کھول دیا گیا ہے۔ متاثرہ خاندانوں کی مدد کے لیے ایک امدادی ٹیم بھی تشکیل دی گئی ہے۔

Source: uni urdu news service