نئی دہلی، 19 جون: مختلف ریاستوں کی پانچ اسمبلی سیٹوں کے لیے جمعرات کو ہونے والے ضمنی انتخابات میں ملک میں پہلی بار پولنگ اسٹیشنوں کے داخلی دروازے پر موبائل ڈپازٹ کی سہولت اور ایڈوانس وی ٹی آر (ووٹنگ ڈیٹا) رپورٹنگ کے عمل اور پولنگ اسٹیشنوں کی 100 فیصد ویب کاسٹنگ جیسے تجربات شروع کیے گئے ہیں۔چیف الیکشن کمشنر گیانیش کمار نے الیکشن کمشنروں ڈاکٹر سکھبیر سنگھ سندھو اور ڈاکٹر وویک جوشی کے ساتھ مل کر قواعد و ضوابط کے دائرے میں رہتے ہوئے انتخابی عمل کو ووٹروں، سیاسی کارکنوں اور انتخابی عہدیداروں کے لیے حالیہ مہینوں میں 20 سے زیادہ نئے اقدامات کیے ہیں۔ کمیشن کی طرف سے ایک ریلیز میں کہا گیا ہے کہ الیکشن کمیشن (ای سی آئی) کی جانب سے پانچ اسمبلی حلقوں کے لیے آج ہونے والے ضمنی انتخابات میں گزشتہ چار مہینوں میں ای سی آئی کی جانب سے شروع کیے گئے کئی بڑے نئے اقدامات کا کامیاب نفاذ دیکھا گیا۔ گجرات میں کدی (ایس سی) اور وساودر اسمبلی حلقوں، کیرالہ کے نیلمبور، پنجاب میں لدھیانہ ویسٹ اور مغربی بنگال میں کالی گنج اسمبلی حلقوں کے ضمنی انتخابات میں آج پولنگ ہوئی۔ کمیشن نے کہا کہ ان پانچ اسمبلی حلقوں کے تمام 1354 پولنگ اسٹیشنوں پر ووٹروں کے لیے موبائل ڈپازٹ کی سہولت کا التزام اور پولنگ میں ووٹروں کی شرکت کے ڈیٹا (وی ٹی آر) شیئر کرنے کا جدید عمل لاگو کیا گیا۔ نیا وی ٹی آر نظام کمیشن کو پولنگ کے رجحانات کو تیزی سے اپ ڈیٹ کرنے کے قابل بناتا ہے ۔

Source: uni news