ناگوپا (20 ستمبر : ایشین گیمز خواتین کرکٹ کے سیمی فائنل میں سری لنکا نے پاکستان کو 8 وکٹوں سے ہرا کر فائنل کے لیے کوالیفائی کر لیا۔

جاپان کے شہر ناگوپا میں کھیلے جا رہے ایشین گیمز میں ویمنز کرکٹ ایونٹ کا سیمی فائنل سری لنکا اور پاکستان کے درمیان کھیلا گیا۔ لنکن ٹائیگرز نے شاہینوں کو 8 وکٹوں سے ہرا کر فائنل کے لیے کوالیفائی کر لیا۔

سری لنکا کی ٹیم نے پاکستان کی جانب سے دیا گیا 178 رنز کا ہدف 17.5 اوورز میں دو وکٹوں کے نقصان پر حاصل کر لیا۔ چماری اتاپتو نے نا قابل شکست 83 رنز کی میچ وننگ اننگ کھیلی جب کہ ہاسنی نے 42 رنز بنا کر ان کا ساتھ دیا۔

اس سے قبل قومی ٹیم نے مقررہ 20 اوورز میں چار وکٹوں کے نقصان پر 177 رنز بنائے۔

عائشہ ظفر اور شوال ذوالفقار نے نصف سنچریاں اسکور کرتے ہوئے بالترتیب 71 اور 54 رنز کی اننگز کھیلیں۔

دونوں بیٹر کے درمیان تیسری وکٹ کے لیے 115 رنز کی شرراکت قائم ہوئی، تاہم ان کی یہ محنت رائیگاں گئی اور پاکستانی بولرز ہدف کا دفاع نہ کر سکیں۔