Sports

شی یو چی کو ہرا کر آیوش شیٹی نے مچائی ہلچل، پی وی سندھو نے بھی کیا فاتحانہ آغاز

18/08/26

نئی دہلی، 17 اگست :آیوش شیٹی نے پیر کے روز بی ڈبلیو ایف ورلڈ چیمپئن شپ میں ایک بڑا الٹ پھیر کرتے ہوئے پہلے را¶نڈ میں موجودہ چیمپئن اور ورلڈ نمبر 1 چین کے شی یو چی کو شکست دے کر ہر طرف ہلچل مچا دی۔ کرناٹک کے کرکلا سے تعلق رکھنے والے 21 سالہ آیوش نے اپنی پہلی ہی ورلڈ چیمپئن شپ میں شاندار آغاز کیا اور زبردست سمیچز اور بہترین دفاعی کھیل کا مظاہرہ کرتے ہوئے شی یو چی کو 21-14، 13-21 اور 21-19 کے سخت مقابلے میں ہرا کر اپنے کیریئر کی سب سے بڑی کامیابی حاصل کی۔
دوسری جانب، دو بار کی اولمپک میڈلسٹ پی وی سندھو نے بھی شروعاتی میچ میں عمدہ کارکردگی کا مظاہرہ کرتے ہوئے آئرلینڈ کی صوفیہ نوبل کو سیدھے گیمز میں 21-7، 21-11 سے شکست دی اور ویمنز سنگلز کے دوسرے را¶نڈ میں باآسانی قدم رکھ لیا۔ یافتہ سندھو نے محض 29 منٹ میں کھیل ختم کرتے ہوئے تاریخی چھٹے ورلڈ چیمپئن شپ کی طرف مضبوط قدم بڑھائے ، جہاں اگلے دور میں ان کا مقابلہ کینیڈا کی وین یو ژانگ سے ہوگا۔
اس کے علاوہ دیگر ہندستانی کھلاڑیوں نے بھی بہترین کارکردگی کا مظاہرہ کیا۔ کامن ویلتھ گیمز کی برونز میڈلسٹ ٹریسا جولی اور گائتری گوپی چند کی جوڑی نے ویمنز ڈبلز کے پہلے را¶نڈ میں اسپین کی پاولا لوپیز اور لوسیا روڈریگز کو 21-9، 21-13 سے شکست دی۔ دریں اثنا، مینز ڈبلز میں ہری ہرن امساکرونن اور ایم آر ارجن بھی اسکاٹ لینڈ کے کھلاڑیوں کے میچ سے ہٹ جانے کی وجہ سے دوسرے را¶نڈ میں پہنچ گئے ، جبکہ پانچویں سیڈ یافتہ جوڑی ساتوک سائرادج رینکی ریڈی اور چراغ شیٹی کو پہلے را¶نڈ میں بائی ملی تھی۔

Source: Admin