National

میر واعظ کو گھر میں نظر بند کر دیا گیا، خواجہ دگر اجتماع سے خطاب سے روک دیا گیا

18/08/26

سری نگر، 17 اگست: کشمیر کے سرکردہ مذہبی رہنما میر واعظ عمر فاروق کو پیر کے روز گھر میں نظر بند کر دیا گیا، جس کے باعث وہ سری نگر کے قدیم شہر میں واقع تاریخی درگاہ حضرت خواجہ نقشبند صاحب میں منعقد ہونے والے سالانہ 'خوجہ دگر' اجتماع سے خطاب نہیں کر سکے ۔ یہ اطلاع میر واعظ کے دفتر نے دی۔
میر واعظ کے دفتر نے ایکس پر جاری پوسٹ میں کہا کہ پابندیوں کے باعث انہیں درگاہ میں روایتی خطبہ دینے اور نماز ادا کرنے سے روک دیا گیا۔
پوسٹ میں کہا گیا، "نقشبند صاحب کی درگاہ پر صدیوں پرانی خواجہ دگر کی روایت سے قبل @MirwaizKashmir کو گھر میں نظر بند کر دیا گیا، جس کے باعث انہیں تاریخی درگاہ میں روایتی خطبہ دینے اور نماز ادا کرنے سے روک دیا گیا۔"
میر واعظ کے اس دعوے پر حکام کی جانب سے فوری طور پر کوئی ردعمل سامنے نہیں آیا۔
انجمن اوقاف جامع مسجد نے اس سے قبل اعلان کیا تھا کہ میر واعظ شام 4 بجے درگاہ میں خطاب کریں گے ، جس کے بعد شام 5:30 بجے مقدس درگاہ میں باجماعت نماز ادا کی جائے گی۔
حضرت خواجہ نقشبند صاحب کی درگاہ پر سالانہ 'خواجہ دگر' اجتماع ایک قدیم روایت ہے ، جس میں وادی کے مختلف علاقوں سے عقیدت مند بڑی تعداد میں شرکت کرتے ہیں۔

Source: Admin