بالی ووڈ سپر اسٹار گووندا اور ان کی اہلیہ سنیتا آہوجا کے درمیان جاری حالیہ کشیدگی اور نووارد اداکارہ کومل رانی کے ساتھ جڑی افواہوں پر اب انڈسٹری کے سینئر اداکار انوپم کھیر بھی میدان میں آگئے۔

ایک انٹرویو کے دوران انوپم کھیر نے گووندا کے معاملے پر بات کرتے ہوئے کہا، ’گووندا ایک بہترین انسان اور فنکار ہیں۔ زندگی میں کبھی کبھار ایسے موڑ آتے ہیں، لیکن انہیں چاہیے کہ وہ خاموشی سے ان تمام باتوں کو پیچھے چھوڑ کر اپنی زندگی اور کیریئر پر فوکس کریں۔‘

انوپم کھیر نے یاد دلایا کہ وہ اور گووندا دہائیوں سے ایک دوسرے کے ساتھ کام کر رہے ہیں اور وہ ہمیشہ گووندا اور ان کی اہلیہ سنیتا کی خوشحالی کے لیے دعاگو رہتے ہیں۔

انہوں نے میڈیا اور مداحوں سے بھی اپیل کی کہ وہ کسی کی ذاتی اور خاندانی زندگی کے معاملے میں قیاس آرائیوں سے گریز کریں تاکہ بات مزید نہ بگڑے۔