مصری سیاست دان اور سابق سربراہ عالمی جوہری توانائی ایجنسی محمد البرادعی نے خبردار کیا ہے کہ امریکا کی جانب سے ایران پر نئے حملوں کی صورت میں مشرقِ وسطیٰ کو بھاری قیمت چکانا پڑے گی۔
سماجی رابطے کی ویب سائٹ ایکس پر اپنے بیان میں محمد البرادعی نے کہا ہے کہ ایران پر امریکا کا کوئی بھی نیا حملہ پاگل پن کا اقدام ہو گا، جس سے صرف مزید تشدد اور تباہی پھیلے گی۔
انہوں نے اپیل کی ہے کہ امریکی صدر ڈونلڈ ٹرمپ پر اثر و رسوخ رکھنے والے افراد اپنی تمام تر کوششیں کریں تاکہ انہیں ایسے اقدام سے باز رکھا جا سکے۔
واضح رہے کہ محمد البرادعی اور عالمی جوہری توانائی ایجنسی کو 2005ء میں جوہری توانائی کے فوجی مقاصد کے لیے استعمال کی روک تھام کی کوششوں پر مشترکہ طور پر نوبل امن انعام سے نوازا گیا تھا۔
وہ 2013ء میں مختصر عرصے کے لیے مصر کے نائب صدر بھی رہے۔
مصری سیاست دان اور سابق سربراہ عالمی جوہری توانائی ایجنسی محمد البرادعی نے خبردار کیا ہے کہ امریکا کی جانب سے ایران پر نئے حملوں کی صورت میں مشرقِ وسطیٰ کو بھاری قیمت چکانا پڑے گی۔...
Source: Admin
