برطانیہ کے سلورسٹون سرکٹ سے وائرل ہونے والی ویڈیوز میں تمل ناڈو کے وزیر اعلیٰ اور اداکار وجے اور اداکارہ ترشا کرشنن کو اداکار و ریسنگ ڈرائیور اجیت کمار کی 'مچلین لے مانس کپ' ( ریس کے موقع پر دیکھایا گیا ہے۔ سوشل میڈیا پر وائرل ان کلپس میں وجے ریس سے قبل سرکٹ پر اجیت سے ملاقات اور مبارکباد دیتے نظر آ رہے ہیں، جسے مداحوں اور سوشل میڈیا صارفین کی جانب سے بے حد توجہ مل رہی ہے۔

ترشا ہفتے کے دن سلورسٹون پہنچیں، جہاں انہیں جینز، ٹی شرٹ اور مرون جیکٹ میں گاڑی سے اتر کر ریسنگ سرکٹ کے خیمے (ٹنٹ) میں داخل ہوتے دیکھا گیا۔ ان کی آمد کی اس الگ ویڈیو کے سامنے آنے کے بعد مداحوں کے درمیان بحث شروع ہو گئی، کیونکہ اس سے قبل یہ قیاس آرائیاں کی جا رہی تھیں کہ شاید وہ اس ریس میں شرکت نہ کریں۔

ریسنگ سرکٹ پہنچنے سے پہلے ترشا کو لندن میں سینئر اداکارہ رادھیکا سارتھ کمار کے ساتھ بھی دیکھا گیا تھا۔ رادھیکا نے ترشا کے ساتھ ایک سیلفی سوشل میڈیا پر شیئر کی تھی جو جلد ہی وائرل ہو گئی۔ دونوں اداکارائیں کسی فلم کی شوٹنگ کے سلسلے میں لندن میں موجود تھیں اور انہوں نے اس دورے کے دوران ریس میں شرکت کی۔ رادھیکا نے اس سے قبل بھی اجیت سے ملاقات کی تھی۔

ترشا اس سے قبل مئی 2026 میں وجے کی تمل ناڈو کے وزیر اعلیٰ کے طور پر حلف برداری کی تقریب میں بھی شریک ہوئی تھیں، جہاں وہ وجے کے اہل خانہ کے ساتھ موجود تھیں اور ان کے پہلے خطاب کے دوران جذبات ہو گئی تھیں۔ اس کے بعد اگست میں وہ تمل ناڈو کی یومِ آزادی کی تقریبات میں بھی نظر آئیں۔ حلف برداری کی تقریب کے دوران انہوں نے وجے کی والدہ، شوبھا چندر شیکھر سے بھی گلے مل کر ملاقات کی تھی۔

وجے اور ترشا نے پہلی بار 2004 میں دھارانی کی بلاک بسٹر فلم گھلی میں ایک ساتھ کام کیا تھا۔ اس کے بعد ان کی جوڑی تھروپاچی، آتھی، کورووی اور لیو جیسی فلموں میں نظر آئی، اور وہ تمل سنیما کی مقبول ترین آن اسکرین جوڑیوں میں سے ایک بن گئے۔

ان کی آپسی دوستی اور عام جگہوں پر ایک ساتھ آمد و رفت نے اکثر ان کے تعلقات سے متعلق افواہوں کو جنم دیا ہے، تاہم دونوں میں سے کسی اداکار نے کبھی ان خبروں کی تصدیق نہیں کی۔ یہ قیاس آرائیاں اس وقت اور شدید ہو گئیں جب وجے کی اہلیہ سنگیتھا سورنالنگم نے 26 سالہ شادی کے بعد طلاق کی درخواست دائر کی تھی، جس میں انہوں نے ایک اداکارہ کے ساتھ ان کے تعلقات کا حوالہ دیا تھا۔ بعد میں انہوں نے یہ درخواست واپس لے لی تھی۔

دوسری جانب ترشا جنوبی ہند کی فلم انڈسٹری میں مسلسل مصروف ہیں۔ ان کی حالیہ فلموں میں وڈاموئیارچی ، گڈ بیڈ اگلی اور منی رتنم کی تھگ لائف شامل ہیں، جبکہ وہ 2026 میں فلم کاروپو میں بھی نظر آئیں۔ فی الحال ان کے آنے والے منصوبوں میں وشوامبھرا، رام اور دوتوا شامل ہیں، اس کے ساتھ ساتھ انہوں نے حال ہی میں ایک نئی تمل سائیکولوجیکل ہارر فلم کی شوٹنگ کا بھی آغاز کیا ہے۔