بالی ووڈ کے اداکار اپنا فیس بک اکاؤنٹ ہیک ہونے پر پریشان ہوگئے، انہوں نے اس بارے میں انسٹاگرام کے ذریعے مداحوں کو خبردار کردیا۔ میڈیا رپورٹس کے مطابق بھارتی لیجنڈ اداکار جتندر کے صاحبزادے اداکار تشار کپور نے اپنا فیس بک اکاؤنٹ ہیک ہونے کے بعد بیان جاری کیا ہے۔ حال میں او ٹی ٹی پلیٹ پر ’دس جون کی رات‘ سے ڈیبیو کرنے والے 47 سالہ تشار کپور نے اُس وقت صدمے کا شکار ہوئے، جب انہیں پتا چلا کہ اُن کا فیس بک اکاؤنٹ ہیک ہوگیا ہے۔ انہوں نے اس بارے میں مداحوں کو اطلاع دینے کے انسٹاگرام کا سہارا لیا اور کہا کہ وہ فی الحال سوشل میڈیا پلیٹ فارم پر غیر فعال ہیں۔ میرے دونوں فیس بک اکاونٹس ہیک ہوگئے ہیں، میں اور میری ٹیم اسے حل کرنے کی کوشش کر رہی ہے۔ ان کا یہ بھی کہنا تھا کہ موجودہ صورتحال میں آپ کا صبر اور سمجھ قابل تعریف ہے، ہم بہت پھر ملیں گے، مسلسل ساتھ دینے کا شکریہ۔ فلم اور ٹی وی پروڈیوسر ایکتا کپور اور تشار کپور اداکار جیتندر کی اولاد ہیں، دونوں ہی نے تاحال شادی نہیں کی ہے۔ تشار کپور نے 2001ء میں بالی ووڈ میں ڈیبیو کیا تھا، وہ درجنوں فلموں میں اداکاری کے جوہر دکھاچکے ہیں، انہوں نےفلم پروڈسر کرنا شروع کررکھی ہیں۔

Source: Social Media