ایودھیا: 5 جون : وزیر اعلی یوگی آدتیہ ناتھ نے جمعرات کو کہا کہ سناتن دھرم کی مضبوط بنیاد پر وزیر اعظم نریندر مودی کی قیادت میں ترقی یافتہ ہندستان کا تصور شرمندہ تعبیر ہورہا ہے ۔شری رام جنم بھومی تیرتھ چھیترا ٹرسٹ کے صدر اور منی رام داس چھاونی کے مہنت نرتیہ گوپال داس جی مہاراج کے 87 ویں یوم پیدائش کے موقع پر منعقدہ ایک تقریب سے خطاب کرتے ہوئے انہوں نے ایودھیا کی ثقافتی، روحانی اور ماحولیاتی اہمیت پر روشنی ڈالی۔انہوں نے کہا کہ ڈبل انجن والی حکومت کی کوششوں سے اجودھیا میں تریتا یوگ کی شان لوٹ رہی ہے ۔ آج کا دن بہت پرجوش اور خوشی کا دن ہے ۔ یہ میری خوش قسمتی ہے کہ مجھے مہنت نرتیہ گوپال داس جی کی سالگرہ کی تقریبات میں شرکت کا موقع ملا۔ میں ان کی لمبی اور صحت مند زندگی کی خواہش کرتا ہوں۔ انہوں نے کہا کہ سنتوں کی سادھنا اور آشیرواد کی وجہ ہی ہندوستان نئے ہندوستان کی شکل میں آگے بڑھ رہا ہے ۔ وزیر اعظم نریندر مودی بغیر کسی رکے اورڈگے ترقی یافتہ ہندوستان کی قرارداد کو عملی جامہ پہنانے میں مصروف ہیں۔وزیر اعلیٰ نے کہا کہ 500 سال کے انتظار کے بعد گزشتہ سال 22 جنوری 2024 کو وزیر اعظم نریندر مودی کے ہاتھوں شری رام للا کی پران پرتشٹھا مکمل ہوئی۔ آج رام دربار اور رام مندر میں دیوتا¶ں کی مورتیوں کی پران پرتشٹھا کا کام بھی مکمل ہو گیا ہے ۔ انہوں نے کہا کہ رام جنم بھومی پر عظیم الشان مندر کی تعمیر سناتن دھرم کی مضبوط بنیاد کی علامت ہے ۔ کاشی، مہاکال، کیدارپوری اور سومناتھ مندروں کی خوبصورتی کا ذکر کرتے ہوئے انہوں نے کہا کہ سناتن دھرم کی مضبوط بنیاد ان مندروں پر ہے ۔ اس بنیاد پر ایک مضبوط اور عظیم الشان ہندستان کی تعمیر جارہی ہے ۔ڈبل انجن والی حکومت کی کوششوں کی تعریف کرتے ہوئے وزیر اعلیٰ نے کہا کہ ایودھیا میں تریتا یوگ دور کی رونقیں لوٹ رہی ہیں۔ رامائن میں بیان کردہ چوڑی سڑکوں اور باغات کے ساتھ ایودھیا آج ایک حقیقت بن رہی ہے ۔ انہوں نے کہا کہ پہلے ایودھیا میں رام بھکتوں پر گولیاں چلائی جاتی تھیں، لیکن آج بھکتوں کا شاندار استقبال کیا جاتا ہے ۔

Source: uni news