الجزیرہ نے دعویٰ کیا ہے کہ امریکا نے ایران کے گرد گھیرا مزید تنگ کرنے کی تیاری شروع کر دی ہے۔

غیر ملکی خبر رساں ادارے الجزیرہ نے امریکی عہدیدار کے حوالے سے دعویٰ کیا ہے کہ امریکا نے ایران کے گرد گھیرا مزید تنگ کرنے کی تیاری شروع کر دی ہے۔

رپورٹ میں بتایا گیا ہے کہ نومبر کے اختتام تک ایران کے اطراف کے سمندری علاقے میں تین طیارہ بردار اور دو جنگی جہاز تعینات ہوں گے، جب کہ 2000 سے زائد امریکی فوجی مشرق وسطیٰ پہنچ رہے ہیں۔

یو ایس ایس مائیک مون سور گزشتہ دنوں سان ڈیاگو سے مشرق وسطیٰ کے لیے روانہ ہو گیا ہے جب کہ طیارہ بردار جہاز روز ویلٹ بھی اپنے اسٹرائیک گروپ کے ساتھ سان ڈیاگو سے مشرق وسطیٰ کی جانب روانہ ہو چکا ہے۔

رپورٹ کے مطابق مشرق وسطیٰ میں اتنی بڑی عسکری طاقت جمع ہونے سے امریکی قیادت کے پاس ایران سے نمٹنے کے لیے کئی آپشن موجود ہوں گے۔