کامیڈی کی دنیا کے سینئر فنکار سنیل پال نے اپنے ساتھی اور متنازع ڈارک کامیڈین سمے رائنا کو سرکاری سطح پر اعزاز دیے جانے پر شدید احتجاج کیا ہے۔

سنیل پال نے ایک ویڈیو پیغام جاری کرتے ہوئے کہا کہ جس شخص پر فحش نگاری، نازیبا زبان اور قانونی مقدمات کے الزامات رہے ہوں، اسے ریاست کے اعلیٰ عہدیدار کی جانب سے عزت دینا سمجھ سے باہر ہے۔

انہوں نے طنز کرتے ہوئے یاد دلایا کہ ماضی میں جس کامیڈین کو پولیس اور قانون کی جانب سے نازیبا مواد پر طلب کیا جاتا رہا، آج اسے ایوارڈز سے نوازا جا رہا ہے جو کہ شوبز اور سماج کے لیے غلط پیغام ہے۔

دوسری جانب سمے رائنا کے مداحوں اور نوجوان نسل کا کہنا ہے کہ ان کا آن لائن کامیڈی اور اسٹینڈ اپ شو کے ذریعے لوگوں کو محظوظ کرنے کا انداز منفرد ہے اور وہ اس پذیرائی کے مستحق ہیں۔