ممبئی: سلمان خان کی سابقہ گرل فرینڈ اور خواتین کے حقوق کی کارکن صومی علی نے لارنس بشنوئی کو زوم کال پر چیٹ کےلیے دعوت دی ہے۔ سپر اسٹار سلمان خان کو قتل کی دھمکیاں دینے والے لارنس بشنوئی سے بات چیت کےلیے امریکا میں مقیم صومی علی نے سوشل میڈیا کا سہارا لیا ہے۔ لارنس بشنوئی اس وقت سابرمتی جیل میں قید ہے، سابقہ اداکارہ نے لارنس کو بات چیت کےلیے مدعو کرتے ہوئے کہا کہ ’’آپ جیل سے بھی زوم کال کررہے ہیں‘‘۔ صومی علی نے جمعرات کو اپنے انسٹاگرام اکاؤنٹ پر لارنس بشنوئی کی تصویر شیئر کرتے ہوئے کیپشن لکھا کہ ’’یہ لارنس بشنوئی کےلیے براہ راست پیغام ہے: نمستے لارنس بھائی! سنا بھی ہے اور دیکھا بھی کہ آپ جیل سے بھی زوم کالز کررہے ہو، تو مجھے آپ سے کچھ باتیں کرنی ہیں۔ برائے مہربانی مجھے بتائیے کہ یہ کیسے ہوسکتا ہے؟‘‘ پیغام کے آخر میں صومی علی نے لارنس کو مخاطب کرتے ہوئے کہا کہ ’’اپنا موبائل نمبر دے دیجئے، بڑا احسان ہوگا آپ کا۔ شکریہ‘‘۔ صومی علی اس سے قبل بھی سلمان خان کے حوالے سے بشنوئی برادری سے درخواست کرچکی ہیں۔ ایک انٹرویو میں صومی علی نے کہا تھا کہ ’’کسی کی جان لینا قابل قبول نہیں ہے، چاہے وہ سلمان ہو یا عام آدمی۔ اگر آپ انصاف چاہتے ہیں تو آپ کو عدالت کا رخ کرنا چاہیے۔ میں بشنوئی برادری سے گزارش کرتی ہوں کہ سلمان خان کو نقصان پہنچانے سے کالا ہرن واپس نہیں آئے گا۔ اگر اس سے کوئی غلطی ہوئی ہے تو میں اس کی طرف سے معافی مانگتی ہوں۔‘‘ صومی علی 1999 میں سلمان خان سے تعلق ختم ہونے کے بعد ممبئی سے امریکا چلی گئی تھیں اور تب سے وہیں مقیم ہیں۔
Source: Social Media
'نقلی پلکیں لگانی پڑیں گی'، کینسر میں مبتلا حنا خان نے آخری پلک کی تصویر شیئر کردی
علی خان کی موجودگی میں فلم خطرناک منزل کا پوسٹر ریلیز
بابا صدیق قتل کا ملزم سلمان خان کے گھر پر فائرنگ میں زیرتفتیش رہ چکا، ممبئی پولیس
شاہ رخ خان کی آئیکونک ٹی وی سیریز ’فوجی‘ کے سیکوئیل کا اعلان
منور فاروقی لارنس بشنوئی کی ہٹ لسٹ پر، دہلی میں حملے کی سازش ناکام
ہالی ووڈ فلم ’جوکر: فولی اے ڈاہ‘ کو ریلیز کے 10 دن بعد ہی کروڑوں ڈالر کا نقصان
طلاق کی افواہوں کے دوران ابھیشیک ایشوریا کی نئی تصویر نے مداحوں کو خوش کردیا
'نقلی پلکیں لگانی پڑیں گی'، کینسر میں مبتلا حنا خان نے آخری پلک کی تصویر شیئر کردی
شاہ رخ خان کی آئیکونک ٹی وی سیریز ’فوجی‘ کے سیکوئیل کا اعلان
بابا صدیق قتل کا ملزم سلمان خان کے گھر پر فائرنگ میں زیرتفتیش رہ چکا، ممبئی پولیس