ممبئی، 12 نومبر : نیشنلسٹ کانگریس پارٹی (این سی پی) کے دو دھڑوں کے مجوزہ انضمام پر سیاسی حلقوں میں زور و شور سے چرچے شروع ہو گئے ہیں۔ بتایا جا رہا ہے کہ شرد پوار کی قیادت والا دھڑا اس بات کو لے کر چار گروپوں میں بٹ گیا ہے کہ آیا پارٹی کو دوبارہ متحد کیا جائے اور این ڈی اے حکومت میں شامل ہوا جائے ۔
ذرائع کے مطابق، شرد پوار دھڑے کے سینئر اراکین اسمبلی کا ایک دھڑا دونوں این سی پی دھڑوں کے انضمام اور اس کے بعد برسرِ اقتدار اتحاد میں شامل ہونے کے حق میں ہے ۔ مانا جا رہا ہے کہ زیادہ تر سینئر اراکین اسمبلی اس تجویز کی حمایت میں ہیں۔ ذرائع کے مطابق، جب اجیت پوار زندہ تھے تب انضمام کے امکانات پر تبادلہ خیال کرنے کے لیے مبینہ طور پر 17 میٹنگیں ہوئی تھیں۔ اس وقت، زیرِ غور شرائط میں سے ایک یہ تھی کہ شرد پوار کو انضمام کے عمل میں براہِ راست شامل نہیں ہونا چاہیے ۔ بتایا جا رہا ہے کہ فی الحال جاری بات چیت میں بھی کچھ اسی طرح کے پہلو پر غور کیا جا رہا ہے ، جس کے تحت این ڈی اے حکومت میں شامل ہونے سے جڑے فیصلے لینے کے عمل میں شرد پوار کے شامل ہونے کی توقع نہیں ہے ۔
تاہم، اس معاملے پر شرد پوار کیمپ میں اتفاق رائے نہیں ہے ۔ جہاں سینئر رہنما حکومت میں شامل ہونے کے خواہش مند ہیں، وہیں رکن اسمبلی روہت پوار مبینہ طور پر اس قدم کے خلاف ہیں۔ رکن اسمبلی روہت پاٹل نے بھی اپنے تحفظات درج کرائے ہیں، حالانکہ انہوں نے یہ بھی کہا ہے کہ انضمام کے حوالے سے پارٹی جو بھی حتمی فیصلہ لے گی وہ اسے قبول کر لیں گے ۔ دلچسپ بات یہ ہے کہ اندرونی مشاورت سے شرد پوار دھڑے کے اندر چار الگ الگ گروپوں کا پتہ چلا ہے ، جن میں سے ہر ایک کا مجوزہ انضمام اور حکومت میں شامل ہونے کے مسئلے پر الگ الگ موقف ہے ۔
جہاں کچھ رہنما اجیت پوار دھڑے کے ساتھ مکمل طور پر انضمام کرنے اور پھر این ڈی اے میں شامل ہونے کے حق میں ہیں، وہیں کچھ دیگر رہنما¶ں کا ماننا ہے کہ پارٹی کو انضمام کیے بغیر حکومت میں شامل ہونا چاہیے اور ایک آزاد گروپ کے طور پر اپنی الگ شناخت برقرار رکھنی چاہیے ۔ ایگزیکٹو صدر سپریا سولے نے اس معاملے پر ابھی تک کوئی حتمی موقف اختیار نہیں کیا ہے ۔ ساتھ ہی، خبروں کے مطابق، انہوں نے مستقبل کے لائحہ عمل کو لے کر اراکین اسمبلی کے ساتھ کوئی تفصیلی بات چیت بھی نہیں کی ہے ۔
محترمہ سولے اس وقت ایک پارلیمانی کمیٹی کی میٹنگ میں شرکت کے لیے دہلی میں ہیں جبکہ شرد پوار ممبئی میں ہیں۔ انضمام کو لے کر جاری بات چیت کے درمیان، قومی دارالحکومت میں بی جے پی رہنما¶ں کے ساتھ ان کی ممکنہ ملاقاتوں کے حوالے سے سیاسی قیاس آرائیاں کی جا رہی ہیں۔ خبروں کے مطابق، این سی پی کے دونوں دھڑوں کے رہنما اپنی اپنی سینئر قیادت کے ساتھ صلاح و مشورہ کر رہے ہیں اور ممکنہ سیاسی حکمت عملیوں پر غور کر رہے ہیں۔ دونوں فریقوں کے اہم رہنما¶ں کے درمیان ہونے والی ملاقاتوں اور بات چیت نے دوبارہ ایک ساتھ آنے کے امکانات کے حوالے سے قیاس آرائیوں کو مزید تیز کر دیا ہے ۔
شرد پوار دھڑے کے اندر انضمام، این ڈی اے میں شامل ہونے اور پارٹی کی مستقبل کی سیاسی شناخت کو لے کر اختلافات سامنے آ رہے ہیں، ایسے میں آنے والے دن کافی اہم ہو سکتے ہیں۔ این سی پی کے مجوزہ انضمام اور اس کے سیاسی نتائج کے حوالے سے جلد ہی کوئی بڑا فیصلہ لیے جانے کا امکان ہے ۔
ممبئی، 12 نومبر : نیشنلسٹ کانگریس پارٹی (این سی پی) کے دو دھڑوں کے مجوزہ انضمام پر سیاسی حلقوں میں زور و شور سے چرچے شروع ہو گئے ہیں۔ بتایا جا رہا ہے کہ شرد پوار کی قیادت والا دھڑا...
Source: Admin
