چائنا اوپن میں تماشائی کو گیند مارنے پر روسی ٹینس اسٹار کو سیمی فائنل سے باہر کردیا گیا۔

چائنا اوپن ٹینس ٹورنامنٹ میں روسی ٹینس اسٹار میڈوی ڈیو نے دیوار سے لگ کر واپس آنے والی گیند کوہٹ کیا جو تماشائی کی آنکھ پر جا لگی۔

اس کے بعد روسی پلیئر کو ڈس کوالیفائی کردیا گیا اور نوواک جوکووچ کو فائنل میں انٹری مل گئی۔

تماشائی آنکھ پر ہاتھ رکھ کر ٹینس کورٹ سے باہر چلا گیا۔

بعدازاں میڈوی ڈیو نے میڈیا سے گفتگو میں واقعہ سو فیصد حادثہ قرار دیا اور کہا کہ اس تماشائی سے انتہائی معذرت خواہ ہوں، ذاتی طورپر مل کر بھی معافی مانگنا چاہتا ہوں۔