پاکستان کرکٹ ٹیم کو انگلینڈ سے شکست کے بعد ایک اور دھچکا لگ گیا ہے۔

لارڈز ٹیسٹ میں انگلینڈ کے ہاتھوں 194 رنز سے شکست کے بعد پاکستانی کھلاڑیوں کی آئی سی سی ٹیسٹ رینکنگ میں تنزلی ہوئی ہے۔

بابر اعظم پانچ درجے تنزلی کے بعد 10 سے 15ویں نمبر پر آگئے ہیں۔ انہوں نے لارڈز ٹیسٹ کی پہلی اننگز میں 8 اور دوسری اننگز میں 6 رنز بنائے تھے۔

پاکستان کے سعود شکیل 15 درجے کی لمبی چھلانگ کے بعد 18ویں نمبر پر موجود ہیں جبکہ سری لنکا کے سونل دینوشا 25ویں نمبر پر آگئے۔

محمد رضوان کی 7 درجے تنزلی 33ویں، شان مسعود 3 درجے تنزلی 41 ویں اور سلمان آغا 3 درجے تنزلی کے بعد 43ویں نمبر پر موجود ہیں۔

بولرز کی رینکنگ میں آسٹریلیا کے میچل اسٹارک پہلے نمبر پر موجود ہیں جبکہ نیوزی لینڈ کے میٹ ہنری ایک درجے ترقی کے بعد دوسرے نمبر پر آ گئے۔

انگلینڈ کے اولی رابنسن 6 درجے ترقی کے بعد 5ویں نمبر پر براجمان ہیں اور سری لنکا کے اسیتھا فرینڈو 4 درجے ترقی کے بعد 11ویں نمبر پر آ گئے۔

پاکستان کے محمد عباس 15ویں، انگلینڈ کے جوش ٹنگ 4 درجے ترقی کے ساتھ 13ویں نمبر پر موجود ہیں جبکہ انگلینڈ کے گس اٹکنسن 10 درجے تنزلی کے بعد 24ویں نمبر پر چلے گئے۔