اسرائیلی وزیرِ دفاع اسرائیل کاٹز کا کہنا ہے کہ اسرائیل کا انتخابات سے پہلے ایران پر حملے کا ارادہ نہیں۔

ایک بیان میں انہوں نے کہا ہے کہ ایران مسئلے پر اسرائیلی سیاسی اور فوجی قیادت میں اختلافات کی خبریں بے بنیاد اور غلط ہیں۔

اسرائیل کاٹز کا کہنا ہے کہ انتخابات سے پہلے ایران پر حملے شروع کرنے کا کوئی ارادہ نہیں ہے، اگر ایران نے اسرائیل پر حملہ کیا تو بھرپور طاقت سے جواب دیں گے۔

واضح رہے کہ اس سے پہلے اسرائیلی چینل نے ایران کے معاملے میں نیتن یاہو اور اسرائیلی آرمی چیف کے درمیان اختلافات کی خبر دی تھی۔

اس کے علاوہ اسرائیلی وزیرِ اعظم نیتن یاہو نے کہا تھا کہ میں نے اسرائیلی خفیہ ایجنسی موساد اور اسرائیلی فوج (آئی ڈی ایف) کو ایرانی حکومت کا تختہ الٹنے کی ہدایت کی ہے۔

ادھر اسرائیلی فوج کے سربراہ ایال ضمیر نے ایران سے متعلق نیتن یاہو کے حکم کی مخالفت کر دی۔

اسرائیلی ٹی وی چینل 12 نے رپورٹ کیا ہے کہ اسرائیلی فوج کے سربراہ نے وزیرِ اعظم نیتن یاہو کے ایران سے متعلق فوجی کارروائی کے حکم پر عمل درآمد کی مزاحمت کی ہے۔