Article | Akhbar-e-mashriq

Entertainment

ناگا چیتانیا نے دوسری شادی سے قبل اپنے انسٹاگرام سے سمانتھا کی آخری تصویر بھی ہٹادی

تیلگو فلموں کے معروف اداکار ناگا چیتانیا نے آندھرا پردیش سے تعلق رکھنے والی اداکارہ سوبیتا دھولیپلا سے اپنی شادی سے قبل سابق اہلیہ سمانتھا رتھ پرابھو کی آخری تصویر بھی اپنے انسٹاگرام اکاؤنٹ سے ڈیلیٹ کردی۔ یاد رہے کہ اس سال اگست میں جب 37 سالہ ناگا چیتانیا نے سوبیتا دھولیپلا سے منگنی کی تھی تب سمانتھا رتھ پرابھو کے پرستاروں نے ناگا کی جانب سے اپنی فیڈ سے سمانتھا کی تصویر ہٹانے پر کافی تنقید کی تھی۔ واضح رہے کہ ناگا چیتانیا اور سمانتھا رتھ پرابھو نے اکتوبر 2017 میں دو برس تک رومانی ملاقاتوں کے بعد شادی کی تھی تاہم صرف چار برس بعد ہی دونوں میں اکتوبر 2021 میں طلاق ہوگئی۔ اس کے بعد سے دونوں نے اپنے سوشل میڈیا اکاؤنٹ سے ایک دوسرے سے وابستہ تمام نشانات اور یادوں کو مٹانا شروع کیا۔ تاہم اب ناگا نے اپنے انسٹاگرام سے سمانتھا رتھ کی آخری تصویر بھی اپنی دوسری شادی سے قبل ہٹا دی۔

Source: social media