Sports

لیڈز ٹیسٹ: انگلینڈ کے خلاف پاکستان پہلی اننگز میں 171 رنز پر ڈھیر

19/08/26

لیڈز ٹیسٹ کے پہلے روز انگلینڈ کے خلاف پاکستان کی ٹیم پہلی اننگز میں 171 رنز پر ڈھیر ہوگئی۔

انگلینڈ کے خلاف کے پہلے ٹیسٹ میچ کے پہلے روز پاکستان کی بیٹنگ لائن لڑ کھڑا گئی اور پوری ٹیم 48.1 اوورز میں 171 رنز پر آؤٹ ہوگئی۔

عبداللہ شفیق 61 رنز بنا کر نمایاں رہے، امام الحق 42 اور کپتان سلمان آغا 21 رنز بنا کر آؤٹ ہوئے۔

اذان اویس اور علی عثمان بغیر کوئی رن بنائے پویلین لوٹ گئے، شان مسعود اور سعود شکیل بھی 5، 5 رنز بناسکے، محمد رضوان نے 12 رنز بنائے۔

انگلینڈ کی جانب سے اولی رابنسن اور جوش ٹنگ نے 5، 5 وکٹیں حاصل کیں۔

اس سے قبل انگلینڈ نے پاکستان کے خلاف ٹاس جیت کر پہلے فیلڈنگ کا فیصلہ کیا تھا۔

ٹاس کے موقع پر گفتگو کرتے ہوئے سلمان علی آغا کا کہنا تھا کہ بابر اعظم کے باہر ہونے پر مجھے کپتانی ملی، ٹیسٹ سیریز کے لیے ہماری تیاری مکمل ہے۔

سلمان علی آغا کا کہنا تھا کہ ہم پاکستان کے لیے سیریز جیتنے آئے ہیں، امید ہے سیریز کا آغاز ہمارے لیے بہت اچھا ہوگا، اگر ہم ٹاس جیت جاتے تب بھی پہلے بیٹنگ ہی کرتے۔

پاکستان کی پلیئنگ الیون میں عبداللہ شفیق، امام الحق، سعود شکیل، شان مسعود، محمد رضوان، اور محمد عباس شامل ہیں۔ اس کے علاوہ اذان اویس، خرم شہزاد، محمد علی اور علی عثمان بھی اسکواڈ کا حصہ ہیں۔