نئی دہلی، 19 ستمبر : کانگریس صدر ملکارجن کھڑگے اور پارٹی جنرل سکریٹری پرینکا گاندھی نے بہار میں دلتوں کے گھروں کو جلائے جانے کی مذمت کرتے ہوئے ملزمین کے خلاف سخت کارروائی کا مطالبہ کیا ہے۔ مسٹر کھڑگے نے کہا ’’بہار کے نوادہ میں مہادلت ٹولہ پر غنڈوں کی دہشت این ڈی اے کی ڈبل انجن والی حکومت کے جنگل راج کا ایک اور ثبوت ہے۔ یہ انتہائی قابل مذمت ہے کہ تقریباً 100 دلتوں کے گھروں کو آگ لگا دی گئی، فائرنگ کی گئی اور رات کے اندھیرے میں غریب خاندانوں کا سب کچھ چھین لیا گیا۔ دلتوں اور پسماندہ لوگوں کے تئیں بی جے پی اور اس کے اتحادیوں کی سماج دشمن عناصر کی انتہائی بے حسی، مجرمانہ غفلت اور حوصلہ افزائی اب اپنے عروج پر ہے۔‘‘ انہوں نے اس معاملے پر وزیر اعظم نریندر مودی پر بھی تنقید کرتے ہوئےکہا کہ ’’وزیر اعظم مودی جی ہمیشہ کی طرح خاموش ہیں، نتیش جی اقتدار کے لالچ میں لاپرواہ ہیں اور این ڈی اے کی اتحادی پارٹیاں بھی لب ہلانے کو تیار نہیں ہیں۔‘‘ محترمہ گاندھی نے کہا “بہار کے نوادہ میں مہادیت کے 80 سے زیادہ گھروں کو جلانے کا واقعہ انتہائی ہولناک اور قابل مذمت ہے۔ درجنوں راؤنڈز فائر کر کے اتنے بڑے پیمانے پر دہشت پیدا کرنا اور لوگوں کو بے گھر کرنا یہ ظاہر کرتا ہے کہ ریاست میں امن و امان مکمل طور پر تباہ ہو چکا ہے۔ عام دیہی غریب لوگ عدم تحفظ اور خوف کے سائے میں زندگی گزارنے پر مجبور ہیں۔‘‘ حکومت سے شرپسند عناصر کے خلاف کارروائی کا مطالبہ کرتے ہوئے، انہوں نے کہا’’میں ریاستی حکومت سے مانگ کرتی ہوں کہ ایسی ناانصافی کرنے والے غنڈوں کے خلاف سخت کارروائی کی جائے اور تمام متاثرین کی باز آباد کاری کی جائے۔‘‘
Source: uni news
تلنگانہ کے نارائن پیٹ ٹاون میں میلادالنبیؐ کے موقع پر لگائی گئی جھنڈیاں سڑک پر پھینک دینے سے کشیدگی
سمستی پور میں نابالغ طالبہ کی عصمت دری اور قتل کے خلاف احتجاج میں سڑک بلاک کرنے والے لوگوں پر پولس کا لاٹھی چارج، کئی زخمی
نوادہ واقعہ پر بہار میں گھمسان، اپوزیشن نے کہا این ڈی اے کو بہار کی نہیں مجرموں کی فکر
تروپتی لڈو میں جانوروں کی چربی کے الزامات نے سیاسی تنازعہ کو بھڑکا دیا ہے۔
جموں وکشمیر میں اسمبلی انتخابات کے پہلے مرحلے پر 59 فیصد ووٹنگ ریکارڈ :چیف الیکٹورل آفیسر
کانگریس نے ہریانہ کے ووٹروں سے سات وعدے کئے
سمستی پور میں نابالغ طالبہ کی عصمت دری اور قتل کے خلاف احتجاج میں سڑک بلاک کرنے والے لوگوں پر پولس کا لاٹھی چارج، کئی زخمی
فیڈ ریزرو کی شرح سود میں کمی کی وجہ سے اسٹاک مارکیٹ نئے عروج پر
فلسطین کی حمایت میں مبینہ نعرے لگانے کے الزام میں مقدمہ
کانگریس محبت کی دکان پر نفرت کا سامان بیچ رہی ہے:وزیر اعظم مودی
امروہہ:بی جے پی ایم ایل اے کے ماما کا گولی مار کر قتل
بلیا:گنگا میں طغیانی، نیشنل ہائی کو نقصان، بہار سے رابطہ منقطع
دہشت گردی کی مالی معاونت کے خلاف لڑائی میں ہندوستان چار جی20 ممالک کے ایلیٹ گروپ میں شامل
چھٹی جماعت کے بچے نیشنل وار میموریل اور ویر عبدالحمید کے بارے میں پڑھیں گے