ممبئی، 19 ستمبر: امریکی سینٹرل بینک فیڈرل ریزرو کی جانب سے شرح سود میں نصف فیصد کمی کی وجہ سے عالمی منڈی میں تیزی سے پرجوش سرمایہ کاروں کی مقامی طور پر این ٹی پی سی، ماروتی، ایچ ڈی ایف سی بینک، ٹاٹا موٹرز اور ریلائنس سمیت انیس بڑی کمپنیوں میں خریداری کی بدولت آج اسٹاک مارکیٹ نئی بلندیوں پر پہنچ گئی۔ بی ایس ای کا 30 شیئروں کا حساس انڈیکس سینسیکس 236.57 پوائنٹس کے اضافے کے ساتھ 83,184.80 پوائنٹس کی بلند ترین سطح پر بند ہوا۔ اس کے علاوہ نیشنل اسٹاک ایکسچینج (این ایس ای) کا نفٹی 38.25 پوائنٹس کے معمولی اضافے کے ساتھ 25,415.80 پوائنٹس کی ریکارڈ سطح پر پہنچ گیا۔ تاہم، فیڈ کے فیصلے کا بی ایس ای کی درمیانی اور چھوٹی کمپنیوں کے حصص پر منفی اثر پڑا۔ مڈ کیپ 0.53 فیصد گر کر 48,600.14 پوائنٹس اور اسمال کیپ 1.06 فیصد گر کر 56,312.66 پوائنٹس پر آگیا۔ اس عرصے کے دوران بی ایس ای میں کل ملاکر 4075 کمپنیوں کے حصص میں کاروبار ہوا جن میں سے 2734 فروخت ہوئے 1246 خریدے گئے جبکہ 95 میں کوئی تبدیلی نہیں ہوئی۔ اسی وقت، نفٹی کی 30 کمپنیوں میں تیزی جب کہ باقی 20 میں گراوٹ آئی۔ فیڈرل ریزرو کے چیئرمین جیروم پاولے نے بدھ کے آخر میں ختم ہونے والی اوپن مارکیٹ کمیٹی (ایف او ایم سی) کی مانیٹری پالیسی ریویو میٹنگ کے بعد ایک نیوز کانفرنس میں کہا کہ "ہم نے ایک اچھی مضبوط شروعات کی اور میں بہت خوش ہوں کہ ہم نے ایسا کیا۔ انہوں نے اپنے بڑھتے ہوئے اعتماد کو ذہن میں رکھتے ہوئے کہ ملک کی بلند افراط زر کے ساتھ لڑائی ختم ہو چکی ہے، فیڈ نے اپنی پالیسی ریٹ میں 50 بیس پوائنٹس کی کمی کر دی ہے۔ فیڈ کے اس فیصلے نے سرمایہ کاروں کے سرمایہ کاری کے جذبات کو تقویت بخشی اور کاروبار کے آغاز میں ہی سینسیکس نے 825 پوائنٹس اور نفٹی میں 234 پوائنٹس کی چھلانگ لگائی، لیکن دوپہر کے وقت اونچی قیمتوں پر بھاری منافع وصولی کے دباؤ میں دونوں معیاری اشاریوں کی تیز رفتاری سست ہو گئی۔ اس کے نتیجے میں بی ایس ای کے نو گروپوں میں خریداری ہوئی جبکہ دیگر 11 گروپوں میں فروخت ہوئی۔ اس عرصے کے دوران سی ڈی 0.34، ایف ایم سی جی 0.40، فنانشل سروسز 0.14، یوٹیلٹیز 0.18، آٹو 0.32، بینکنگ 0.46، کنزیومر ڈیوربلز 0.64، پاور 0.01 اور ریئلٹی گروپ کے حصص میں 0.47 فیصد اضافہ ہوا جبکہ ٹیلی کوم 3.89، انرجی 1.22، کیپٹل گڈس 1.46، آئل اینڈ گیس 1.81 فیصد اور سروسز گروپ کے حصص میں 1.22 فیصد کی کمی ہوئی۔ بین الاقوامی سطح پر تیزی کا رجحان رہا۔ اس عرصے کے دوران برطانیہ کے ایف ٹی سی اے میں 1.15، جرمنی کے ڈی اے ایکس 1.39، جاپان کے نکیئی 2.13، ہانگ کانگ کے ہینگ سینگ 2.00 اور چین کے شنگھائی کمپوزٹ میں 0.69 فیصد اضافہ ہوا۔

Source: uni news service