نئی دہلی، 11 اپریل (: کانگریس کے سابق ترجمان روہن گپتا، یوتھ کانگریس کے ترجمان ڈاکٹر جہانزیب سروال، انڈین ایڈمنسٹریٹو سروس کی سابق افسر محترمہ پرمپال کور اور مسٹر گرپریت سنگھ ملوکا جمعرات کو یہاں بھارتیہ جنتا پارٹی (بی جے پی) میں شامل ہو گئے۔ چاروں نے پارٹی کے مرکزی دفتر میں بی جے پی کے جنرل سکریٹری ونود تاوڑے، مرکزی وزیر ہردیپ سنگھ پوری اور پارٹی کے نیشنل میڈیا کو-چیف ڈاکٹر سنجے میوکھ کی موجودگی میں بی جے پی کی رکنیت لی۔ بی جے پی میں ان کا خیرمقدم کرتے ہوئے بی جے پی کے جنرل سکریٹری مسٹر تاوڑے نے کہا کہ آج کانگریس کے سابق لیڈر روہن گپتا سمیت کئی لیڈروں نے بی جے پی میں شامل ہونے کا فیصلہ کیا ہے تاکہ وزیر اعظم نریندر مودی کے ترقی یافتہ ہندوستان کے عزم میں حصہ ڈالیں۔ اب اپوزیشن لیڈر وزیراعظم کو ہرانے کی نہیں بلکہ انہیں مارنے کی بات کر رہے ہیں۔ آر جے ڈی لیڈر لالو پرساد یادو کی بیٹی میسا بھارتی مسٹر مودی کو جیل میں ڈالنے کی بات کر رہی ہیں۔ کیرالہ میں بی جے پی امیدوار وی مرلیدھرن کے قافلے پر حملہ ہوا اور کیرالہ میں مارکسی کمیونسٹ پارٹی نے اپنے 80 غیر اعلانیہ بینک کھاتوں کی تفصیلات نہیں دی ہیں۔ اس سے ظاہر ہوتا ہے کہ اپوزیشن نیشنل ڈیموکریٹک الائنس (این ڈی اے) کو 400 سے تجاوز کرنے سے روکنے کی ہر ممکن کوشش کر رہی ہے، لیکن ان کی تمام کوششیں ناکام ہوتے رہےہیں۔ بی جے پی میں شامل ہونے والے مسٹر گپتا، ڈاکٹر سروال، مسز کور اور مسٹر ملوکا نے مسٹر مودی، پارٹی صدر جگت پرکاش نڈا اور مرکزی وزیر داخلہ امت شاہ کا شکریہ ادا کیا اور کہا کہ ان کی قیادت میں ملک کی ترقی کا سفر آگے بڑھ رہا ہے۔ وزیراعظم کامیابی کی نئی جہتیں لائیں گے۔ وہ وزیر اعظم کی قیادت میں ملک کی تعمیر میں اپنا حصہ ڈالنے کے لیے بی جے پی میں شامل ہوئے ہیں۔ کانگریس قوم پرستی اور سناتن دھرم کے بنیادی نظریہ سے ہٹ گئی ہے اور کانگریس کے پاس کوئی ویژن نہیں ہے۔ محترمہ کور نے کہا کہ مسٹر مودی کی قیادت میں ملک میں ترقی سے متاثر ہو کر انہوں نے اور مسٹر ملوکا نے بی جے پی میں شامل ہونے کا فیصلہ کیا ہے۔

Source: uni news