بنگلادیش میں شوہر نے بیوی کے آنسوؤں کو نظر انداز کرکے طلاق دے دی جس کی ویڈیو سوشل میڈیا پر زیر گردش ہے۔
بنگلادیشی میڈیا رپورٹ کے مطابق بنگلا دیش کے ضلع باریشال میں ایک مقامی پنچایت نما اجلاس کے دوران شوہر نے تقریباً 7 سال کی ازدواجی زندگی کے بعد اپنی بیوی کو طلاق دے دی۔
شوہر، رونی خان جو گارمنٹ فیکٹری میں ملازم ہیں اور ان کی اہلیہ ایتی اختر جن کی عمر تقریباً 24 سے 25 سال ہے۔
اس جوڑے کی شادی کو 7 سال ہو چکے تھے لیکن ان کے ہاں اولاد نہیں ہوئی، طبی معائنے سے معلوم ہوا کہ بیوی حاملہ ہونے کی صلاحیت نہیں رکھتی۔
مقامی پنچایت نما اجلاس کے دوران شوہر نے رشتہ ختم کرنے کا فیصلہ کیا۔
ویڈیو میں دیکھا جا سکتا ہے کہ بیوی زار و قطار رو رہی ہے اور شوہر کے پاؤں پکڑ کر یا چھو کر انتہائی بے بسی سے التجا کر رہی ہے کہ اسے نہ چھوڑا جائے جبکہ وہاں موجود گواہ اور دیگر افراد یہ سب دیکھ رہے ہیں، بیوی کی منت سماجت کے باوجود شوہر نے اسے طلاق دے دی۔
یہ ویڈیو یوٹیوب اور فیس بک جیسے سوشل میڈیا پلیٹ فارمز پر تیزی سے پھیل گئی جس کے بعد عوامی سطح پر شدید بحث چھڑ گئی اور لوگوں نے خاتون کی تکلیف پر ہمدردی کا اظہار کیا۔
بنگلادیش میں شوہر نے بانجھ بیوی کے آنسوؤں کو نظر انداز کرکے طلاق دے دی جس کی ویڈیو سوشل میڈیا پر زیر گردش ہے۔...
Source: Admin
