سنٹرل ہوڑہ کے ٹکیہ پاڑہ میں واقعہ بیت المال عرصہ سے غریبوں، ناداروں اور بیواﺅں کی فلاح کےلئے کام کررہا ہے ۔یہ ادارہ زکوة ، فطرہ، صدقہ اور عطیات وغیرہ سے چلتا ہے۔عام طور پر باہر کے لوگ بھی ادارہ کی فلاح کےلئے مالی مدد کرتے ہیں لیکن خاص طورپر ٹکیہ پاڑہ کے لوگوںسے یہ ادارہ چلتا ہے۔ رمضان کے دنوں میں ادارہ سے جڑے لوگ چندہ اکٹھا کرتے ہیں۔ اور سال بھر غریبوں کی مختلف ضروریات کو پورا کرتے ہیں۔ادارہ کی جانب سے لوگوں سے اپیل کی گئی کہ وہ کھل کر بیت المال کے کاموں میں مالی مدد کریں تاکہ ادارہ کا کام اور بہتر طرح سے ہوسکے۔ اس سلسلے میں ادارہ کے دفتر میں ایک میٹنگ کی گئی جس میں ادارہ کے نائب صدر حاجی علی احمد انصاری، خازن حاجی محمد نظام الدین، خازن محمد یاسن ، اسسٹنٹ سکریٹری حاجی محمد صلاح الدین ،اکزیکیٹیو حاجی جاوید احمد، محمد اقبال خان، محمد شمیم، پرویز بھائی وغیرہ ہیں۔ ادارہ کے صدر حاجی ڈاکٹر اکبر علی اور صدر حاجی جلال الدین خان صاحبان بیمار ہونے کی وجہ سے حاضر نہیں ہوسکے۔ یہاں موجود سبھی لوگوں نے عوام سے اپیل کی کہ وہ ادارہ کی زیادہ سے زیادہ مالی مدد کریں تاکہ غریبوں ، ناداروں اور بیواﺅں کا کام اور بہتر طریقے سےکیا جائے ۔ غریب بیواﺅں کے وظائف میں کیا جاسکے۔ واضح رہے کہ ادارہ کی جانب سے گزشتہ کئی برسوں سے ہر مہینے ساٹھ سے زائد بیواﺅں کو ماہانہ 500روپئے بطور پنشن دیئے جاتے ہیں۔ اسی طرح غریب لڑکیوں کی ادارہ کی جانب سے یا تو شادی کرائی جاتی ہے یا ان کی مالی مدد کی جاتی ہے۔یہاں سے غریب لڑکے اور لڑکیوں کو مفت میں نصابی کتابیں فراہم کی جاتی ہیں۔ادارہ کی جانب سے فروغ تعلیم کےلئے لگاتار کوشش کی جا رہی ہے۔غریب اور ضرورت مند لوگوں کو طبی اور معاشی امداد فراہم کی جاتی ہے۔اعلیٰ پیشہ وارانہ تعلیم کےلئے طلبا و طالبات کو وظیفہ دیا جا تاہے۔لاوارث لاشوں کی تدفین بھی کرائی جاتی ہے۔ادارہ اس کوشش میں ہے کہ ایک کشادہ جگہ خرید کر کے وہاں یہ لوگ کمیونیٹی ہال بنا نا چاہتے ہیں تاکہ اس کے ذریعہ لوگوں کی مختلف طرح سے مدد کی جاسکے۔

Source: Mashriq News service