Sports

فیفا کے یوٹرن لینے کے باوجود یورپی ممالک کا کھیلنے سے انکار

06/08/26

یورپی ممالک کی تنظیم یوئیفا کا کہنا ہے کہ فیفا کے صدر انفینٹینو کے حصص فروخت کرنے کے فیصلے پر یوٹرین کے باوجود وہ بائیکاٹ برقرار رکھیں گے۔

یوئیفا نے ایک بیان جاری کیا ہے جس میں کہا گیا ہے کہ اس کی 55 رکن ایسوسی ایشنز فیفا مقابلوں کے بائیکاٹ کے لیے پُرعزم ہیں اور اس بات پر زور دیا ہے کہ عالمی گورننگ باڈی نے ان کی شرائط قبول نہیں کیں۔۔

یوروپی فٹ بال کی گورننگ باڈی نے گذشتہ جمعرات کو متفقہ طور پر فیفا کے صدر گیانی انفینٹینو کے اس اعلان کے بعد فیفا کے تمام ایونٹس سے دستبرداری کے لئے ووٹ دیا کہ عالمی ادارہ ورلڈ کپ اور دیگر ایونٹس میں اقلیتی حصص فروخت کرنے کی کوشش کرے گا۔

انفینٹینو نے بڑھتے ہوئے دباؤ کے بعد شیئرز فروخت کرنے کی تجویز واپس لے لی ہے اور مراکش میں ہونے والے اجلاس میں عالمی ادارے کی قیادت کی حمایت حاصل کر لی ہے۔

تاہم یوئیفا کا کہنا ہے کہ فیفا کے ساتھ تعاون کی تجدید کے لیے انفینٹینو کے سیل آف پلان واپس لینا واحد شرط نہیں تھی اور ایسوسی ایشنز کی فیفا مقابلوں میں عدم شرکت سے منسلک مزید شرائط بالکل واضح تھیں جسے پورا نہیں کیا گیا۔

Source: Admin