Sports

سابق برازیلین فٹبالر رابرٹو کارلوس نے اسلام قبول کرلیا؟

20/08/26

ترکیہ کی حکمران جماعت کے رکن نے برازیل کے مشہور سابق فٹبالر رابرٹو کارلوس کے اسلام قبول کرنے کا دعویٰ کیا ہے۔

ترک میڈیا کے مطابق ترکیہ کی حکمران جماعت کے رکن پارلیمنٹ علی شاہین نے
برازیل کی مسلم کمیونٹی کے ایک اہم رہنما کے حوالے سے دعویٰ کیا ہے کہ سابق برازیلین اسٹار فٹبالر رابرٹو کارلوس دائرہ اسلام میں داخل ہو گئے ہیں۔

ترکیہ پارلیمنٹ کے رکن علی شاہین کا کہنا ہے کہ یہ بات انہیں ساؤ پالو میں برازیل کی مسلم برادری کے نمائندوں سے ملاقات کے دوران شیخ جہاد حمادے نے بتائی ہے۔

شیخ جہاد حمادے کے مطابق رابرٹو کارلوس چار ہفتے قبل ان سے ملنے آئے، جہاں انہوں نے کلمہ شہادت پڑھ کر اسلام قبول کر لیا۔ اس موقع پر برازیل کی مختلف اسلامی تنظیموں کے نمائندے بھی موجود تھے۔

دائرہ اسلام میں داخل ہونے ترک رکن پارلیمنٹ نے رابرٹو کارلوس کو مبارکباد دیتے ہوئے ان کے لیے نیک خواہشات کا اظہار کیا ہے۔

تاہم رابرٹو کارلوس نے تاحال اپنے قبولِ اسلام کی باضابطہ تصدیق نہیں کی ہے۔

واضح رہے کہ53 سالہ رابرٹو کارلوس کو فٹبال کی تاریخ کے عظیم ترین لیفٹ بیکس میں شمار کیا جاتا ہے۔ وہ 2007 میں ترک کلب فنرباغچے کا حصہ بنے۔

Source: Admin