لکھنؤ:10فروری(:سماج وادی پارٹی(ایس پی) سربراہ اکھلیش یادو نے پیر کو کہا کہ پریاگ راج میں مہاکمبھ میں لاکھوں عقیدت مند پریشانیوں سے دوچار ہیں۔اور حکومت اپنی اس ذمہ داری سے بچ نہیں سکتی ہے۔ انہوں نے کہا کہ پریاگ راج مہاکمبھ کے راستے میں جام میں پھنسے لاکھوں افراد اپنی گاڑیوں میں گھنٹوں سے قید ہیں۔ یومیہ ضرورتوں کے لئے خواتین تک کے لئے کوئی مقام نہیں ہے۔ جو لوگ راستوں میں بیہوش ہورہے ہیں ان کی دیکھ بھال کا کوئی انتظام نہیں ہے۔ عقیدت مندوں کے موبائل فون کی بیٹری ختم ہوگئی ہے۔ جس سے ا ن کا اپنے لوگوں سے رابطہ ٹوٹ گیا ہے۔ رابطہ اور اطلاع کی کمی میں لوگوں میں کافی بے چینی ہے۔ یادو نے کہا کہ حالات پر کنٹرول کے لئے کوئی ذمہ دار وزیر یا شخص دکھائی نہیں دے رہا ہے۔ وزیر اعلی تو پوری طرح سے ناکام ثابت ہوچکے ہیں ساتھ ہی پریاگ راج سے متعلق نائب وزیر اعلی اور کئی معروف وزیر ندارد ہیں۔ جنہیں عوام کے درمیان ہونا چاہئے تھا وہ گھروں میں بیٹھے ہیں جو سپاہی چوتھے زمرے کے ملازم یا صفائی اہلکار دن رات ایمانداری کے ساتھ بھوکے پیاسے ڈٹے ہیں۔ ان کے کھانےپانی کا کوئی نظم نہیں ہورہا ہے۔ افسران کمروں میں بیٹھ کر آرڈر دے رہے ہیں لیکن زمین پر نہیں اتررہے ہیں۔ انہوں نے کہا کہ مہاکمبھ کے موقع پر اترپردیش میں گاڑیوں کو ٹول فری کیا جانا چاہئے۔ اس سے سفر کی روکاوٹ بھی کم ہوگی اور جام کا بحران بھی۔جب فلموں کو ٹیکس فری کیا جاسکتا ہے تو مہاکمبھ پر گاڑیوں کو ٹیکس فری کیوں نہیں کیا جاسکتا۔ پریاگ راج میں چترک جام کی وجہ سے نہ کھانے۔پینے کے لئے اناج اور سبزی مسالے دسیتاب ہوپارہے ہیں اور نہ ہی دوا۔ پٹرول، ڈیزل۔ اس سے پریاگ راج و مہاکمبھ احاطے اور پریاگ راج آنے جانے والے شاہراہوں پر پھنسے کروڑوں بھوکے۔پیاسے، تھکے ہارے عقیدت مندوں کی حالت ہر گھنٹے بد سے بد تر ہوتی جارہی ہے۔ یہ ایک کافی سنگین صورتحال ہے۔ یادو نے کہا کہ پریاگ راج کے شہری باشندوں کو گندگی، جام اور مہنگائی کے سوا کچھ بھی نہیں ملا ہے۔ سننے میں آیا ہے کہ اب بی جےپی عقیدت مندوں پر ہی یہ الزام لگارہی ہے کہ جب پتہ ہے کہ ہر طرف بدنظمی پھیل گئی ہے توعقیدت مند آہی کیوں رہے ہیں۔ کوئی ریاست میں حادثے کے مارے لوگوں کو اپنے حال پر چھوڑ کر دوسرے ریاست میں تقریب میں شرکت کررہا ہے۔ کوئی بیرون ملک چلا جارہا ہے۔

Source: uni news