National

”آر ایس ایس ہزار سروں والا زہریلا سانپ ہے“: کرناٹک کے وزیر یتیندر سدرامیا کا سخت ترین الفاظ میں حملہ

18/08/26

کانگریس کے قومی صدر ملکارجن کھڑگے کی سیاسی ریلی کے بعد اتراکھنڈ کے ہلدوانی میں واقع 'رام لیلا میدان' کی مبینہ 'شدھیکرن' (پاکسازی کی رسم) کا تنازع شدت اختیار کر گیا ہے۔ اس واقعے کے خلاف احتجاج کرتے ہوئے کرناٹک کے وزیر شہری ترقی اور سابق وزیر اعلیٰ سدرامیا کے بیٹے یتیندر سدرامیا نے آر ایس ایس ، بی جے پی اور سری رام سینا پر سخت ترین الفاظ میں حملہ کیا ہے۔

یتیندر نے آر ایس ایس کو ”ہزار سروں والا زہریلا سانپ“ قرار دیتے ہوئے کانگریس کے قومی صدر سے عوامی معافی مانگنے کا مطالبہ کیا ہے۔
15 اگست کو کانگریس کارکنان سے خطاب کرتے ہوئے یتیندر سدرامیا کی ایک ویڈیو منظرِ عام پر آئی ہے، جس میں انہوں نے شدید برہمی کا اظہار کیا:

”آر ایس ایس ہزار سروں والے زہریلے سانپ کی طرح ہے، جو ذات پات، برہمن واد اور منواسمرتی کے نظریہ کے زہر سے بھری ہوئی ہے۔ یہ ایک ایسا سانپ ہے جو پورے معاشرے میں زہر پھیلاتا ہے۔ اگر ہم نے اسے یوں ہی چھوڑ دیا تو ہمارا سماج اور ملک تباہ ہو جائے گا۔“

انہوں نے مزید کہا کہ جب تک بی جے پی، آر ایس ایس اور سری رام سینا بالواسطہ یا بلاواسطہ ملکارجن کھڑگے سے معافی نہیں مانگتے، کانگریس کارکنان کو یہ احتجاج جاری رکھنا چاہیے۔

Source: Admin