آسٹریلیا کے سابق کرکٹر ڈیوڈ وارنر کی تامل فلم ’جیلر 2‘ کے گانے ’آلا بولے لو‘ پر ڈانس کرنے کی اے آئی سے تیار کردہ ویڈیو وائرل ہوگئی ہے۔

فوٹو اور ویڈیو شیئرنگ ایپ انسٹاگرام پر سابق کرکٹر ڈیوڈ وارنر نے فالوورز سے کہا کہ وہ 10 میں سے ان کی تکنیک پر کتنے نمبر دیں گے۔

انہوں نے مزاحیہ انداز میں کہا کہ ان کے بالی ووڈ ورژن کے پاس رقص کے کچھ اچھے اسٹائلز ہیں۔

وارنر نے پوچھا کہ اچھا تو یہ ویڈیو کس نے بنائی ہے، مجھے بالکل اندازہ نہیں ہے کہ یہ کون سا گانا یا میں کیسا رقص کررہا ہوں، جس نے یہ ویڈیو بنائی ہے تو کمنٹس میں تبصرہ کریں۔

واضح رہے کہ ’جیلر 2‘ تامل کی ایکشن کامیڈی فلم ہے جس کی کہانی نیلسن دلیپ کمار نے لکھی ہے اور ہدایت کاری کی ہے۔

یہ 2023 کی فلم ’جیلر‘ کا سیکوئل ہے جس میں رجنی کانت، رمیا کرشنن، یوگی باہو، مرنا اور تھوک اپنے کرداروں کو دہرائیں گے، جبکہ نئی کاسٹ میں ایس جے سوریا، متھن چکرورتی، ودیا بالن، سورج وینجارا، اینا راجن اور جتین شرما شامل ہیں۔

’جیلر 2‘ 15 اکتوبر 2026 کو دنیا بھر کے سنیما گھروں کی زینت بنے گی۔