International

ترکیہ : ایف سولہ طیارہ حادثے کا شکار ، پائلٹ محفوط رہا

13/08/26

ایک ایف سولہ طیارہ اس وقت ترکیہ میں حادثے کا شکار ہو گیا جب وہ ایک تربیتی مشق میں بروئے کار تھا۔ تاہم ایف سولہ کا طیارے کا پائلٹ پیرا شوٹ کے ذریعے بحفاظت طیارے سے الگ ہو کر محفوظ رہا ۔

ترکیہ کی وزارت دفاع نے اس حادثے کی تصدیق کر دی ہے۔ بتایا ہے طیارہ شمال مغربی علاقے میں تربیتی پرواز کے دوران حادثے کا شکار ہوا ہے۔ پرواز یالووا کے علاقے میں جاری تھی۔ وزارت دفاع کے بیان کے مطابق حادثے کی تحقیقات شروع کر دی گئی ہیں۔

خیال رہے یالووا استنبول کے جنوب مشرق میں واقع بحیرہ مارمارا کا ایک ساحلی علاقہ ہے۔ ایف سولہ کے حادثے کی سی سی ٹی فوٹیج خبر رساں ادارے ' آئی ایچ اے ' نے جاری کی ہے، جس سے پتہ چلتا ہے کہ طیارہ اس وقت حادثے کا شکار ہوا جب بہت نچلی پرواز کر رہا تھا۔ حادثے کے بعد اس جگہ سے آسمان کی طرف گہرا سیاہ دھواں بادل کی طرح اوپر کی طرف اٹھا۔

نجی چینل ' این ٹی وی ' کے مطابق طیارےکو ایک ایئر بیس کے نزدیک حادثہ پیش آیا۔ فورا ہی ریسکیو کے لیے کئی ٹیمیں روانہ کر دی گئیں۔ پائلٹ کو فوری طور پر ہسپتال لے جایا گیا ہے۔

رپورٹ کے مطابق چھ ماہ قبل ایک ایف سولہ طیارہ حادثے کا شکار ہوا تھا، جس میں سوار پائلٹ بھی جاں بحق ہو گیا تھا۔ وہ حادثہ پرواز کے فوری بعد بلغاریہ کی سرحد کے نزدیک پیش آیا تھا۔ یاد رہے ماہ نومبر میں ترکیہ نے سی 130 کارگو طیاروں کی پروازیں جارجیا میں ایک طیارے کی تباہی کے بعد معطل کر دی تھیں۔ یہ سی 130 طیارہ آذربائیجان سے واپس آرہا تھا، اس پر 20 افراد سوار تھے۔

Source: Admin